Aghjugna à u vostru librettu di strada

Jean-André ROSSI

Furmagliu di capra -

Accolta : Da Natali à lugliu è nantu à appuntamentu pà a fattura di u furmagliu / da 9 ori à 12 ori.

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu

Rossi faci a risistenza !

Quì, omu hè pastori da babbu in figliolu dapoi 1634 ! È ancu sè Jean-André Rossi hè partutu luntanu da l’isula, avà hè vultatu, è hè bè dicisu à tramandà ci a tradizioni famigliali ! Oghji i so duicentu trenta capri facini parti di a so vita d’ogni ghjornu. Ancu s’eddu ricunnosci « fà a risistenza » à setticentu cinquanta metri d’altitudini, nantu à tarri ch’ùn si poni travaglià, ùn perdi mancu à pena u so spiritu è si pesa quantunqua ogni matina suddisfatu – « …u furmagliu hè ancu più bonu, quì, ùn si pò ingannà nantu à a qualità », accerta u pastori cù fiertà. È puru, a so ricerca di sputichezza si pò accurdà cù l’usu di i tecnichi muderni quand’ellu pensa chì l’ani da facilità u so travagliu.

Cusì, quand’ellu strazia pà ritruvà a so banda d’animali à l’annuttà. Tandu sì chì li ghjova assai u signali GPS da lucalizà l’animali. Ma ritiniti nanzi à tuttu un affari : u so furmagliu hè diliziosu, u so brocciu, una crema à veru, a so accuglienza urighjinali è calurosa, à dilla franca un locu da ùn mancà. À u cori di u Parcu Naturali Righjunali di Corsica è nantu à a strada di u GR 20, Letia hè un paisolu sputicu è incantevuli, un paesi muntagnolu rimarchevuli à solu vinti chilomitri da i marini di Savone. 

Jean-André vi ricevi quì da Natali à a mità di u mesi di lugliu.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu