Aghjugna à u vostru librettu di strada

Stephana CHIARI

Domaine de Vignale

Oliu d’aliva AOP –

Accolta : Tutta l’annata nantu à appuntamentu / stanzi d’ospiti, da ghjugnu à sittembri

I tarritorii : Casinca - Castagniccia - Costa Verde

I catigurii : In ghjiru à l’alivu è u castagnu

I pruduzzioni agriculi : Oliu di Corsica

A bedda... L’eleganza d’un locu.

In piaghja di Vinzulasca, trà mari è muntagna, un vechju duminiu carcu di storia : una tinuta agricula di monachi binadittini datata almenu di u XI u seculu, chì ogni ghjinirazioni di a famiglia Chiari hà vulsutu prisirvà.
Un beddu casali custruttu à nantu à una cantina longa à volta, una cappedda è uni pochi di dipindenzi incantevuli, arritti à mezu à l’arbureti è à l’alivetu.

Stephana Chiari s’accupa oghji di u duminiu è di l’alivetu, pà una pruduzzioni d’oliu d’aliva verghjina, di prima franta à fretu, à parta da l’alivi colti à u duminiu senza altru. I frutti sò macinati à fretu à pena colti è missi in buttiglia à a prupietà. I variità sfarenti d’alivi (Ghjermana, Stefana…) parmettini di crià parechji tinillati d’olii, tinillati millesimati ricumpinsati da l'AOP « Huile de Corse-Oliu di Corsica » è da parechji midagli.

A lindezza d’un pruduttu, a piccula sfarenza pà issi buttiglietti magnifichi… veri rigali ch’omu t’hà a voglia di tena par sè !

In prughjettu, ci hè a criazioni d’un locu di vendita è d’accuglianza nantu à a prupietà.