Aghjugna à u vostru librettu di strada

Jean Christophe ARRII

U Palazzu

Oliu d’aliva AOP - Camari d’ospiti

Accolta : Da aprili à uttrovi.

I tarritorii : Sud Corse

I catigurii : In ghjiru à l’alivu è u castagnu, I toli & stanzi d’ospiti, ustarii agriculi & alloghji campagnoli

I pruduzzioni agriculi : Oliu di Corsica

Jean-Christophe Arii hè aredi…fiddolu di sta tarra.

Stu ghjovanu uleicultori carcu d’energia, hà avutu in lascita da i so antinati sta passioni par a cultura di l’alivi. Ci ni faci a cunfidenza : « Sò com’è missiavu, aghju una leia vasi sensuali cù st’alburu ». Pensa chì a cultura di l’alivu sii un arti di campà da tantu cheri pacienza, vulintà è un travaddu cuntinuu. Ci spieca :  « A ghjenti mancu ùn si pò sempri raprisintà quantu ci voli à travaddà. Di volti mi tocca à sradicà alivi di più di centu anni in piena machja, à taddà branchi po aspittà par veda s’iddi poni sempri pruducia. » Ùn temi di muscià à i so clienti tutti i tappi di a pruduzzioni è l’aspetti diversi di u so mistieri.

Puru chì l’uleicultura l’avissi di stintu, st’omu ghjovanu voli sempri renda un umasgiu à u so maestru in a prufissioni, un portabandera di a cultura di l’alivi in l’isula, Don-Jean Santa  Lucia : « M’hà amparatu tuttu è m’hà purtatu u so sustegnu à ogni passu quandu mi sò impiantatu, u cunsidarighju com’è un mudellu ! ». Prughjetti, ni hà à buzeffu, prontu à varcà ogni inciampu, Jean-Christophe hà missu à rinuvà a tamantona casa di famidda. Dopu ad avè datu una vita nova à u vechju fragnu, à pocu à pocu rinova ogni sala di u Palazzu par riceva i so ospiti è trasmetta un pocu di a so passioni.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu