Aghjugna à u vostru librettu di strada

Joseph RIOLI

Moulin de Prunete

Oliu d’aliva AOP

Accolta : Vendita da maghju à sittembri, 9h-12h et 15h-19h
Visita di u mulinu nuvembri è dicembri.

I tarritorii : Casinca - Castagniccia - Costa Verde

I catigurii : In ghjiru à l’alivu è u castagnu

I pruduzzioni agriculi : Oliu di Corsica

RN 198 - Prunete
20221 Cervione
  04 95 38 01 84
  joseph.rioli@orange.fr

Quand’era ghjovanu dighjà, Joseph accumpagnaia u so ziu paternu nantu à i marcati. À diciottu anni, dopu à uni pochi di mesi passati in Nizza, hà un’idea sola : vultà à a splutazioni di e Prunete, tarrenu di ghjochi di a so zitiddina. Par quista si scrivi in u 1981 à u diploma agriculu in U Borgu par fà campà a lascita di famiglia : «L’urtulimu, hè una tradizioni in a famiglia.  U me arcimissiavu è u babbu di u me ziu paternu ani sempri cultivatu frutti è pustimi dapoi 1950. »

È Joseph ùn si voli piantà in cusì bona strada : voli ripiglià u fragnu di u duminiu. Stu mulinu, custruitu quaranta anni fà hè l’elementu cintrali par pudè prumova st’oliu d’aliva in AOP chì Joseph ni hè assai fieru :

« L’alivi chì ci ghjovani par pruducia l’Oliu di u Cunventu di Cervioni sò stati posti quasgi 300 anni fà è l’arburatu novu di a costa urientali servi à fà l’Oliu di u Mulinu di Prunete. »

Dui sapori chì sò à spessu premiati à u Concours Général Agricole di Parighji è di Nyons. U so figliolu Thierry hà da piglià a seguita un ghjornu – dà cura dinò à a so splutazioni da eddu criata in u 2008. Insemi, babbu è figliolu ricunnoscini ch’ùn contani l’ori passati à u Mulinu di Prunete. « Avemu rigori è sopratuttu ci piaci u nostru mistieri. » Joseph aghjusta cun fervori : « Chè l’oliu d’aliva si sviluppi cù i sforzi di a prufissioni, hè quistu u  premiu ch’è no bramemu. »
 

‹‹ Ritornu