Aghjugna à u vostru librettu di strada

Emanuele BARBIERI

Spassighjata ind’u castagnetu - Farina di castagna AOP/AB

Accolta : Tutta l’annata nantu à appuntamentu (spassighjata è tastera).

I tarritorii : Corsica Livantina

I catigurii : Cultura/natura/binistà/passatempi, In ghjiru à l’alivu è u castagnu

I pruduzzioni agriculi : A farin castagnina corsa

U castagnetu di Pianellu hè unu di i più antichi d’Auropa. Nantu à 50 ettari, ci si trova più di 1000 arburi chì più di a mità t’ani trà 500 è 800 anni, sottu à l’ochju di u patriarca : un arburu di guasgiu 1000 anni !

Emanuele Barbieri, pruduttori di farina castagnina, stallatu nantu à u duminiu dipoi 2009, hà sappiutu, cù l’associu di i pruprietarii E Bertecchie, dà torna fierezza à u locu. « À l’età di 35 anni, aghju avutu a furtuna di campà à veru a me passioni. Travaglià pà st’arburi è cun elli mi dà un piacè tamantu ! Cù u sintimu di fà un’azzioni chì t’hà u valori. »

Sustinutu da l’aggruppamentu EBAS-AGRO chì compra l’insemi di a pruduzzioni, Emanuele binifizieghja in più di i cunsigli di l’ingigneri arburisti attippatori d’Auropa pà rinuvà u castagnetu.  « U fattu d’avè una guaranzia pà a me pruduzzioni mi parmetti di cuncintrà mi nantu à ciò chì hè primurosu : aiutà i pruprietarii chì lottani pà a salvezza di l’arburi, minacciati sempri da i malatii è da u lascia corra. » L’associu  AFC-Umani, fundatu da u gruppu musicali I Muvrini, faci parti ancu ellu di i partinarii : t’hà sottu à a so prutizzioni a parti endemica di u duminiu. Patrigni è visitatori si scontrani dunqua, in ghjiru à issi arburi maistosi.

« Par mè era impurtanti di fà chì issi visiti patrimuniali sighini di rigalu, dici in cunclusioni Emanuele. Un’ si faci ‘business’ cù a mimoria cullettiva. » Cù Emanuele, ùn ci hè nè ipucrisia nè fulcloru. Ghjustu a sputichezza di u piacè !