Aghjugna à u vostru librettu di strada

Marie-Jo DEFENDINI

E STRETTE

Oliu d’aliva AOP

Accolta : Tutta l’annata nantu à appuntamentu.

I tarritorii : Corsica Livantina

I catigurii : In ghjiru à l’alivu è u castagnu

I pruduzzioni agriculi : Oliu di Corsica

D17 Route de Canale - Lieu dit E Strette
20230 Canale di Verde
  06 79 84 68 89
  marie-jo.defendini@orange.fr

À principiu, nudda ùn avviava Marie-Jo Defendini à divintà uleicultrici. Edda avia sceltu u turisimu, à puntu u duminiu di l’ustarii, pà spannà si ind’a so vita prufissiunali.

In issu filu, ùn suvitava mancu à pena i tracci di u babbu chì avia criatu ind’ì l’anni sittanta u duminiu E Strette, duva facia a cultura di a clementina. « Ancu s’ellu ùn era più sfruttatu l’ultimi anni, incù u me maritu ùn emi pussutu siparà ci da u duminiu quand’ellu hè mortu babbu », cunfidi cù emuzioni Marie-Jo Defendini.

I clementini erani firmati troppu tempu senza essa cultivati, dunqua menu pruduttivi, s’hè posta a quistioni di una cultura pà rimpiazzà li. « A scelta di l’alivu hè stata par mè un’affari evidenti ! St’arburu mi garba dipoi sempri » spiega a ghjovana agricultrici. Passatu u tempu di a sradichera di l’arburi vechji, hè vinutu quiddu di a punera di i 600 alivi chì fiuriscini oghji nantu à u duminiu di E Strette. Dopu à uni pochi d’anni di cura è di pacenzia, i beddi buttigli di Marie-jo ani ricivutu pà a prima volta in 2013, u so priziosu nettaru.

Hè natu tandu un duminiu novu !

‹‹ Ritornu