Aghjugna à u vostru librettu di strada

Jean-Laurent MASSARI

Gaec e Belle Bone

Accolta : Accolta : tuttu l’annu, trà 10 ore è meziornu è da 4 ore à 8 ore di sera.

I tarritorii : Nebbiu - Capi Corsu

I catigurii : L’addevu, a robba purcina, i casgi, In ghjiru à l’alivu è u castagnu

I pruduzzioni agriculi : Agneddu lattaricciu è caprettu, Oliu di Corsica, Nucigliuli è amanduli

Ind’è i Massari, hè sempre un’affare di famiglia !  Hè principiatu cù Françoise, a decana, chì avia parechji ettari piantati à amanduli è à alivi inde u so rughjone nativu di u Nebbiu.  « È à 14 anni era digià nant’à u terrenu ! », s’arricorda Jean-Laurent, u so primunatu.

Per ellu, paria digià tracciatu u so avvene, ma in u 2001, hà preferitu stallà a so spluttazione pecurina.  Hè solu in u 2015 ch’ellu ripiglia in manu u giovanu agricultore a tinuta arboricula.
Hà pigliatu prestu a so prima iniziativa : cumplettà i dui ettari d’alivi piantati da l’insetu (nant’à i ceppi d’alivi salvatichi) di dui centu pedi novi. 

Oghje, hè spuntata dinù una lenza nova di cinque ettari. 
Macinatu à u mulinu Morati, messu in buttiglia nant’à a spluttazione, incanta à tutti l’oliu in appellazione d’origine prutetta di Jean-Laurent.

È a so banda di pecure ?  Ingranda sempre, chì avà conta guasi 350 teste !
È cum’è hè tuttu naturale ind’è i Massari, sò l’agnelle chì impasculeghjanu per intrattene l’amanduli !
Da quì à pocu, averà Jean-Laurent a so cumpagna da assuciata, Maria Petra, per a custituzione à vene di un GAEC.
Hè d’obligu per un prugettu famigliale !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu