Aghjugna à u vostru librettu di strada

Jean-Paul MANCEL

Clementini IGP –Nucioli IGP - Casi campagnoli

Accolta : Visita di frutteti nantu à appuntamentu (micca vendita diretta) / alloghji campagnoli nantu à riservazioni tutta l’annata.

I tarritorii : Casinca - Castagniccia - Costa Verde

I catigurii : I toli & stanzi d’ospiti, ustarii agriculi & alloghji campagnoli, In ghjiru à l’arbureti è l’orti

I pruduzzioni agriculi : A clementina di Corsica, Nucigliuli è amanduli

Chemin Botrangulu - Route du Village
20230 Valle di Campoloro
  06 10 07 76 90
  info@gites-corsica.com

Jean-Paul Mancel hè prisenti in parechji duminii ! Pruduttori dipoi u 1981 di clementini, pumeli è pocu fà di nucigliuli ; Prisidenti di l’Associu pà a Prumuzioni è a Difesa di a Clementina di Corsica (APRODEC, chì hà com’è missioni di gestiscia l’Indicazioni Giugrafichi Prutetti – IGP – « Clémentine de Corse », « Pomelo de Corse » è « Noisette de Cervioni »), hè dinò pruprietariu di dui alloghji campagnoli dipoi avà 13 anni ! « À principiu di a me stallazioni, campavu nantu à a splutazioni stessa. Issa casa era a meia ! Era da veru un piccatu di lacà la scundisà è d’ùn fà ni prufittà l’altri. »

L’agricultori, indiatu ind’ì l’agricultura raghjunata, si lampa dunqua ind’ì l’accunciamentu d’alloghji chì poni accoglia sinu à deci parsoni (affari faciuli pà st’anzianu agenti mubiliariu ! D’infatti, Jean-Paul hà multiplicatu i funzioni è l’avantaghji !) « Era di primura par mè di crià un ambienti piacevuli in cori di a pruprietà agricula, cunfidi Jean-Paul. À u filu di l’anni, i visitatori sò divintati ospiti fidi, è ognitantu amichi. Certi voltani ogni annu ! » Pà Jean-Paul, « a clientella, ci vò à custruiscia la » par via di a spartera, u scambiu è a curdialità. « Un’ ci voli mai à campà nantu à i so acquisti ! » Dettu di savviu chì dà risultati postu chì l’alloghji campagnoli di Valle di Campuloru sò à spessu accupati !

 

‹‹ Ritornu