Aghjugna à u vostru librettu di strada

Patrice BOURET

Les jardins d'Alesani

Arburetu – Sciroppi à l’antica è cunfitturi – Acetu à l’antica

Accolta : Tutta l’annata nantu à appuntamentu

I tarritorii : Casinca - Castagniccia - Costa Verde

I catigurii : In ghjiru à l’arbureti è l’orti, È dinò…

I pruduzzioni agriculi : I frutti è ligumi di Corsica

Village
20234 Felce
  06 07 94 09 20
  patricebouret@hotmail.com |   www.alesani.com

Felce hè un paisolu di a Castagniccia, à ottucentru metri d’altezza… Quali avaria pussutu dì chì era quì u locu parfettu pà a cultura di i rubi ?
Patrice Bouret ci hà cridutu, è forti di a so cirtezza, hà pigliatu a sfida di travaglià i tarrazzi abbandunati ind’i tempi, è di rimetta in valori issa tarra ch’eddu teni cusì cara.

Dapoi, peri, fichi, fravuli, amareni, cassis…è rubi di sicuru, ci crescini, nanzu di passà ind’i so paghjoli di ramu, pà ricetti di famiglia, magichi ! Cunfitturi diliziosi ; un listinu di 25 sciroppi à l’antica, cù prufumi sputichi corsi, à tempu dilicati è forti : mortula, alimea, clementina, nepita ; è quattru veri aceti : alimea, ficu, mortula è rubu chì sò missi à macerà trè mesi ind’ì l’acetu di cidru

Una qualità parfetta, gusti urighjinali è un sapori cusì sanu chì i so prudutti sò prisenti à nantu à più di centu punti di vendita di prudutti corsi o di buttreghi fini. Partini à u stranieru o si ritrovani ind’i cucini di i risturanti i più rinumati di l’isula, pà arumatizà ricetti cù i muschi di a tarra corsa…

Tutti i prudutti sò naturali, senza additivi o cunsirvatori, i frutti d’Alesani sò cultivati è curati di modu naturali, senza suvi chimichi nè pisticidiu di sintesi.

Com’è pari primurosu d’innuvà, l’orti d’Alesani ùn ani compiu d’abbagliacà ci : una cunfittura noci è fichi à u vischì corsu … è un sciroppu « Deliziu à u zafranu » chì farà a sfarenza !

‹‹ Ritornu