Aghjugna à u vostru librettu di strada

Ghjuvan Iviu TORRE

Urtaglia -Artighjanatu - Accolta paisana in ecocampeghju

Accolta : Tutta l'annata, 10 ori -meziornu è 4 ori – 8 ori di sera

I tarritorii : Dui Sevi-Dui Sorru - Cruzini - Cinarca

I catigurii : In ghjiru à l’arbureti è l’orti, L’artighjani, Cultura/natura/binistà/passatempi

I pruduzzioni agriculi : I frutti è ligumi di Corsica

« Paisanu : parsona chì campa in campagna da i so attività agriculi. (sò impiigati à spessu sinonimi par via di u sensu pighjurativu di a parolla) »

Eccu a difinizioni ch’ellu faci u Larousse di u titulu, ch’ellu rivindicheghja à palesu è cù fierezza Ghjuvan Iviu Torre. « Aghju sempri vulsutu essa paisanu è stà in campagna. À l’età di 17 anni, aviu dighjà a me piccula splutazioni. », conta stu paisanu sempri prontu à luttà, chì hè statu custrettu à impona i so scelti : prima à a so famiglia, chì dubbitava di a so urientazioni prufissiunali, è dopu à i so culleghi, chì vidiani à l’epica in st’eculugistu di sempri, un disturbatori.

Quaranta anni dopu, u tempu hà datu raghjoni à Ghjuvan Iviu chì campa sempri di a so tarra, è di fatti i so pinseri eculogichi di tandu sò spartuti oghji da a maiò parti. Ma pà Ghjuvan Iviu, a lotta cuntinuveghja è voli trasmetta a so passioni pà a tarra à i novi ghjinirazioni. A so splutazioni hè un veru locu di spartera è di scontru duva omu veni, à bulighjoni, senta a musica, una cunfarenza, cumprà roba di marucchineria è ligumi biò !

A so scumessa nova : crià u primu ecocampeghju di Corsica. Di sicuru chì da quì à vinti anni, ni nasciarani d’altri !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu