Aghjugna à u vostru librettu di strada

Olivier ANTONINI

Clos Antonini

Suchju d'agrumi è d’uva – Cunfitturi d'agrumi – Vini – Oliu d'aliva AOP

Accolta : D'aprili à a fini d’uttrovi.

I tarritorii : Balagna

I catigurii : In ghjiru à l’alivu è u castagnu

I pruduzzioni agriculi : Oliu di Corsica

Olivier Antonini hè un omu di cunvinzioni, chì ùn s’hè postu quistioni à u mumentu di a ripresa di a splutazioni famigliali. Quarta generazioni di vignaghjoli ("Aghja Ventosa", tarrenu d’un ettaru, hè prisenti ind’a cumuna di Santa Reparata dipoi u 1868 !), siconda ind’a pruduzzioni d’agrumi, quillu chì hà presu a seguita difendi l’idea d’una trasmissioni naturali è nicissaria.  « Sò statu allivatu in cori di sti tarri, ci conta Olivier, cù antenati agricultori, passiunati da l’arburi fruttivi. A tramandera era faciuli è a vucazioni logica ! »

Oghji, sempri affiancatu da u so babbu Pierre-Louis, Olivier s’accupa di i setti ettari di piantazioni, è i cura cù appiigazioni. « Mi piaci à fighjulà i nosti arburini chì crescini, certi di u duminiu l’aghju cunnisciuti da zitellu ! E’ po aghju amparatu ancu i tecnichi d’insitera è da tandu, mischià u salvaticu è a missa in cultura hè divintatu u me passatempu prifiritu ! » Com’è a cunfizzioni di sapori urighjinali : s’è vo vi canseti à a Cantina Antonini, locu criatu in u 1984 da Pierre-Louis è a so sposa Monique ind’u paesi di Sant’Antuninu, ùn vi scurdeti di tastà a spicialità di Monique : un pocu di suchju d’uva mischiatu cù un suchju di limoni. Un veru mumentu di friscura !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu