Aghjugna à u vostru librettu di strada

Charles AGOSTINI

Accolta : D’aprile à ottobre

I tarritorii : Centru di Corsica

I catigurii : In ghjiru à l’arbureti è l’orti

I pruduzzioni agriculi : Nucigliuli è amanduli

Fontana
20218 Morosaglia
  06.77.80.97.64
  biscuiterie.agostini@orange.fr

U surrisu hè francu quant'è a so strinta di manu, accoglie Charles Agostini à tutti è sempre à boccarisa à chì ghjunghje ind'u so attellu-buttea di u paese di Merusaglia. Ci s'aghjunghje à a letizia di l'omu a fierezza di l'artisgianu da fà cunnosce a diversità è a qualità di i so prudutti.


Prima di diventà maestru inde l'arte di a fattura di l'amandulata, a pasta da spalmà è altri canistrelli accumudati cù a castagna o puru a nuciola, fecia Charles Agostini da agente cumunale da a banda di Ponte Leccia : « Un ghjornu, m'hè venuta in quella di cambià di vita, di travaglià per mè.

Aghju messu à pone nucioli da a banda di Cervioni mentre chì a moglia sperimentava sfarente sosule.
Vultendumine da a splutazione, ci assaghjavamu ogni pruduttu è feciamu staghjunà e sosule. Da ch'ellu ci dete suddesfu u risultatu, era iniziata a pruduzzione. L'offerta pruposta oghje hè u fruttu di u nostru stantu, di a nostra cullaburazione fattiva è di e nostre racolte ».

Hè attaccatu assai Charles à issi dui impegni di pruduttore è di artisgianu : « Sò fieru di travaglià cù e nuciole di e nostre splutazione.  Cusì s'hè pussutu ammaistrà ogni tappa di a fabricazione ».Oghje, a qualità di e so paste da spalmà accumudate cù a nuciola o a castagna, e so amandulate cusì umule è i so canistrelli crustulanti anu ammasgiulatu tanti è tanti palatichi di Corsica è d'altrò.
 

‹‹ Ritornu