Aghjugna à u vostru librettu di strada

Franck THOMAS

Coutellerie Du Lotus

Cultiddaria

Accolta : Tutta l'annata.

I tarritorii : Sud Corse

I catigurii : L’artighjani

Criata in Corsica 30 anni fà da Franck Thomas, a Coutellerie du Lotus cuncipisci è rializeghja i so pezzi cù un sforzu cunstanti di qualità è di rispettu di i tradizioni di a stazzona d’arti chì l’ani datu una ricunniscenza internaziunali.

Poca strada fatta in trè decennii ! « In piena epica di u Riacquistu, erami numarosi à vulè vultà à campà in Corsica è à veda ci affaccà una nova ghjinirazioni di criatori », cunfidi Franck Thomas. « À contu meiu, aghju avutu a furtuna di binifizià di l’amparera di i cultillaghji Moretti è Ceccaldi chì m’ani amparatu tuttu », aghjusta l’artighjanu.

Issu sapè fà priziosu, Franck Thomas hà riisciutu à trasmetta lu à u so tornu à tutti l’artighjani chì cumponini oghji a so cultillaria. « Quì, ognunu ampara da l’altru ind’un veru spiritu di spartera. Vinimi tutti à travaglià cù u stessu piacè è u listessu amori di u travagliu bè fattu », spiega u cultillaghju. « Tutti i nostri cultelli sò fatti ind’ì l’attellu è stazzunati à a mani, ch’ellu si tratti di cultelli tradiziunali corsi chì ani fattu a nostra rinomina o di i pezzi di cumanda ch’è no mandemi ind’u mondu sanu. » A surghjenti criativa ùn si attagna quì in issu paisucciu di  l’Alta Rocca, quissa hè sicura !

*Riacquistu : muvimentu suciali è culturali di l’anni sittanta in Corsica chì avia com’è scopu a riapprupriazioni di a lingua è di a cultura corsa è di i sapè fà lucali à puntu ind’u mezu campagnolu

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu