Aghjugna à u vostru librettu di strada

Aline PRAT et Thiébault SISSON

La poterie du Pratu

Attellu di terraglia

Accolta : Attellu di terraglia apartu tutta l’annata / visita nantu à appuntamentu.

I tarritorii : Casinca - Castagniccia - Costa Verde

I catigurii : L’artighjani

Dopu pigliatu u so diploma à i Beaux-Arts di Marseglia in u 1973, Aline Prat scegli di vultà in Corsica, in San Niculaiu, par crià a so buttrega di pignulaghju. Hè fendu a so furmazioni à u Centru di Prumuzioni Suciali di Corti ch’Aline trova una mansa d’idei è d’azzioni par purtà a so dinamica parsunali à u mondu campagnolu.

In u 1975 u so travagliu porta par u più nantu à a petra rinaghja – una materia chì ci voli à cocia à una timperatura alta, 1300 gradi. Cinqui anni dopu si primureghja di a Poterie du Pratu. A buttrega hè posta in un locu ideali par a criatrici chì racogli in a machja i cinari di i pianti nicissarii par cumpona i so smalti. Ci hè tutta una cullizzioni di caraffi, cuppetti, conchi è ughjetti dicurativi chì incanta l’amatori ghjuntu à visità.

Aline ùn hè sola par campà sta spirienza. Thiébault Sisson, u so cumpagnu di sempri, participeghja di più in più à l’attività di a ceramica. Si custruisci un forru, s’allarga a buttrega ! Faci una furmazioni par furmà è adopra i tecnichi par culà, stampà è mudellà ughjetti unichi.

« Ci cuntremu bè è cusì demu bullori à i nostri criazioni. Ampargu sempri in prisenza d’Aline. Travaglia cù minutezza è metudu. Ci piaci à cuntà i nostri rializazioni à u publicu. In a nostra buttrega sò sempri mintuvati i quattru C : Criazioni di Ceramichi Cuntempuranei Corsi. » Cù simplicità !
 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu