Aghjugna à u vostru librettu di strada

Denise ARNOLD

A libru apertu

Attellu di riligatura è ristoru di libri antichi è ducumenti grafichi

Accolta : Tutta l’annata nantu à appuntamentu

I tarritorii : Casinca - Castagniccia - Costa Verde

I catigurii : L’artighjani

Hameau de Piedigrado
20230 San Nicolao
  06 22 57 59 35
  alibruapertu@orange.fr

Accuglitrici d’aviò duranti vinti anni, Denise Arnold cambia in tuttu di mistieru à l’età di 40 anni ! A so passioni pà i libri in ghjinirali, è l’anziani in particulari, a cunduci à suvità corsi particulari di riligatura. Passiunata da a disciplina, Denise cuntinueghja a spirienza in 1993, par via d’una furmazioni in riligatura è ristoru di libri vechji à u Centre des Arts du Livre in Parighji.

Ci insignarà dopu avè avutu u so diploma. Eccula torna fendu u passa è u veni trà a capitali è Santu Nicolau duva u so maritu prufitta di a ritirata. Allora parchì micca raghjugna lu è stallà si in paesi ? Denise accetta un’antra sfida : d’ uttrovi di u 2002 crea u so propiu attellu cù l’aiutu di a merria.

Pazienti è meticulosa, u so travagliu hè ricunnisciutu à nantu à u tarritoriu sanu. A bibbiuteca municipali d’Aiacciu l’hà incaricatu d’intratena u so fondu patrimuniali pà deci anni è a bibbiuteca di Bastia farà listessa in 2013. L’attellu, postu à l’intrata di u paesi, hè dinò un locu di scontri è di spartera.

« Ch’eddi siini libri rinumati di u XVI u seculu o quaterni di sculari, a priziosità ferma a listessa. È puru, ci dici cù malizia, ricunnoscu d’essa ancu più cummossa da i scritti di i particulari ! Un omu, par un dettu, scrivi i so mimorii dapoi deci anni. Ogni annu faci un vulumu è mi tocca à fà a riligatura. Cusì s’hè criata una leia d’amicizia è di cumplicità. » 

Denise cura, acconcia, pruteghji i nostri libri pà parmetta li di francà u tempu…

‹‹ Ritornu