Aghjugna à u vostru librettu di strada

Jean-François DEAK

I Cultelli Di Caccia

Stazzona - Cultillaria

Accolta : Tuttu l'annu

I tarritorii : Centru di Corsica

I catigurii : L’artighjani

Un stradunettu accintu di muri à l’asseccu, tistimonii di a tradizioni pasturali di a vaddi d’Ascu, chì sbocca nantu à un anzianu stazzili da duva ribombani rimori strani di metallu. Hè quì chì Jean-François Deak è a so moglia Laetitia ani dicisu di pona i so valisgi.

« Eru funziunariu in Marseglia, è à tempu faciu parti d’un associu di cultillaghji-stazzunari. Un ghjornu, à l’ispinsata, aghju dicisu di lascià cascà tuttu è di vena à fabbricà culteddi in l’anzianu stazzili di u me ziu » ci dici. S’è a scuparta di i lochi si meriteghja à pena, hè puru ricumpinsata da u scontru cù un parsunaghju chì si difinisci ellu stessu com’è « Ribellu, pruvucatori, rusticanu, utopista è perseveranti… »

L’ochju astutu, a parolla misurata ma bè arrutata, Jean-François hà riisciutu à fà si un nomi ind’a cultillaria d’arti. À rombu di travagliu, di provi più o menu riisciuti è di scambii cù d’altri cultillaghji, hè ghjuntu oghji à ammaistrà u so arti. A billezza di i so culteddi attrae visitatori di u mondu sanu ch’eddu ricevi ind’a so « tana » cù a so moglia chì cunfizziuneghja stucci magnifichi in coghju pà i criazioni di u « so stazzunaru »
 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu