Aghjugna à u vostru librettu di strada

Emma THOLLON

L'Albatros

Sculturi – Ceramichi

Accolta : D’aprili à uttrovi / 1 ora è mezu -6 ori è mezu di sera / francu u sabbatu.

I tarritorii : Balagna

I catigurii : L’artighjani

U labirintu di i strittucci di Spiluncatu cunduciarà u visitatori sinu à i cimi (A Cima) di u paesi, quì duva hè natu l’attellu d’Emma Thollon in u 2011. A cuabitazioni urbana pò à spessu essa angusciosa è u bisognu di spaziu fà si senta subitu !

Com’è a brama nicissaria d’un sicondu soffiu ! “E’ Spiluncatu hà parmissu issa nuvella partenza, issa vita nova !” dici cù surrisu a radiosa Emma. Un’ hè una raghjoni pà piantà a so attività, quilla iniziata parechji anni fà, inciucciulita ind’u nidu famigliali. “Aghju amparatu i tecnichi di mudillera à i Beaux-Arts di Britagna. Sò vinuti dopu l’Arti Dicurativi in Parighji, cù una spicializazioni in architettura d’intiriori. Po, hè vultata torna a mudillera ind’a me vita par via di corsi dati à i zitelli. Dipoi, parfizziuneghju a maestria di l’arzilla bianca, una materia chì offri una scala infinita di pussibilità.” Di sicuru chì u più difficiuli pà Emma fù d’apra u so attellu à u publicu. “Pà a prima volta, ci vulia à invità parsoni à entra ind’è u me universu, u rifughju duva mi mettu sola pà crià.” Passatu stu pinseru, Emma spiriminteghja à u filu di i visiti. Frà pocu, i sculturi d’arzilla sarani sposti ind’i gallarii d’arti, di quì è d’altrò. L’acelli d’Emma, oghji cappiati, pigliani u so bulu sopra à u paesi balaninu.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu