Aghjugna à u vostru librettu di strada

Antoine CAMPANA

Poterie de Corbara

Petra rinaghja utilitaria, chì tocca à a cucina è dicurativa

Accolta : Da u 1u d’aprili à l’8 di nuvembri / 10 ori -meziornu è 3 ori di sera – 6 ori è mezu di sera.

I tarritorii : Balagna

I catigurii : L’artighjani

Antoine Campana hè un piunnieru di a terraglia isulana. Hè oghji membru attivu di l’associu A Strada di l’Artigiani di Balagna, criata più di deci anni fà. Principia tuttu quand’ellu volta in Corsica in u 1976. Antoine t’hà 22 anni, è hà un solu scopu : vultà in Aregnu, u paesi di u so missiavu. U ghjuvanottu si lampa tandu ind’a fabbricazioni di cunfitturi.

“ Un’ ci voli micca à scurdà si di l’epica : socu un ziteddu di maghju di u 68 ! A brama di vultà à valori sputichi, simplici. Malgradu quissa, pruduciami sinu à dui tunnellati è mezu à l’annu, sia 5000 vasetti ! ” È tandu ùn erani beddi issi vasetti di terraglia pà cundiziunà li ?

Ind’u so sughjornu in Pigna in u 1984, scopri a terraglia di petra rinaghja, cù l’associu d’artighjani a Corsicada è ampara cù prufissiunali. “U me prima staziu l’aghju fattu cù Jacky Quilichini. Tandu, ci era ancu una furmazioni d’artighjani à u Centru di Prumuzioni Suciali di Corti.” Antoine si stalla in Pigna è po si tramuta ind’ì l’attellu di Corbara in u 1987. Tandu, à parta da issu mumentu, a pruduzzioni hè intensiva cù cumandi chì venini da u mondu sanu.

“In issu mistieru ci vò à avè u rigori, è a passioni ci faci scurdà l’ori passati nantu à u tornu !” Hè un terraghju chì a vi pò ghjurà !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu