Aghjugna à u vostru librettu di strada

David CATALA

Au Bois d'Eden

Ghjoculi è ughjetti di legnu

Accolta : Tutta l'annata / 9 ori - meziornu è 2 ori - 6 ori di sera.

I tarritorii : Nebbiu - Capi Corsu

I catigurii : L’artighjani

Hameau de Casanova
20228 Barrettali
  06.32.88.81.05
  dcatala@hotmail.fr

Brin de Bois hè u fruttu di a ricunvirsioni accaduta da pocu di David Catala. Pà st’anzianu infurmaticu chì hà travagliatu ind’i multinaziunali maiò duranti quindici anni, era di primura di vultà à una vita menu frasturnata. “Oghji, possu dì chì socu à veru filici. Indipindenti è libaru !” dici surridendu l’artighjanu passiunatu. In u 2011, David piglia a dicisioni d’una nova partenza è si stalla in Corsica. Tuttu principia cù un prima cuntattu cù u legnu in u 2007. “Tandu, à l’epica, aviu bisognu d’ammubulà u me appartamentu è mi socu intarissatu à puntu à u travagliu di u legnu.” Passiunatu di dissegnu è di mudelisimu, studia a pussibilità di fabbricà picculi ghjoculi, acquistendu à pocu à pocu i sfarenti mascini chì custituiscini oghji u so attellu.

Ind’u paisolu di Barretalli, imaghjineghja, crea, cuncipisci oghji ughjetti urighjinali par via di a so estetica muderna è a so funziunalità – pà u più à parta si da l’essenzi isulani. U visitatori ci truvàrà, frà altru, rompicapi chì stupiscini, maroculi “giritonduli” o ancu ghjochi di pacenzia in forma d’animali.

Ind’u so attellu chì supraneghja u mari, hè oghji assai serenu David, luntanu da u piglia è para di a so vita passata, filici di sparta a so passioni di u legnu cù i visitatori.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).