Aghjugna à u vostru librettu di strada
Jean Pierre et Simon CECCALDI
COUTELLERIE CECCALDI
Artisgiani cultellaghji
Accolta : Butteca aperta tuttu l’annu (ùn hè apertu l’attellu per i visitori).
I tarritorii : Sartinesi Valincu Taravu
I catigurii : L’artighjani
cc les Echoppes - Porticcio
04 95 25 13 87
couteaux.ceccaldi@live.fr | www.couteaux-ceccaldi.com
Principia a storia di a cultelleria Ceccaldi in u paese di Zoza, in u Pumonte, induv’ella hè nata in a mente di Jean-Pierre Ceccaldi a voglia di travaglià cù e so mani. A so passione per stu mistieru, a tene Jean-Pierre da unu di l’ultimi eredi di stu sapè unicu nant’à l’isula, Paul Santoni, chì li hà sappiutu trasmette i sicreti di fabbricazione di u cultellu corsu. Mossu da a so brama di perfezziunà si è di lascià corre a creatività soia, hà da principià a so pruduzzione cù u cultellu tradiziunale corsu, u “curnicciulu”, ma si hà da sviluppà cù u fà di l’anni fin’à prupone oghje una gamma cumpletta di cultelli di tavulinu, di pezze d’eccezzione, di cultelli di cucina o puru di cultelli di stacca.
Sò sempre cuncipite isse pezze cù e listesse esigenze di qualità, d’autenticità è di creatività. Di pettu à a dumanda chì cresce è à l’attraenza per a cultelleria corsa, stalla dopu a famiglia Ceccaldi u so attellu in Purtichju, induv’ella hà da furmà cullaburatorii novi à l’arte di a cultelleria. Hè inde st’attellu ch’elli sò fabbricati oghje à a manu tutti i cultelli di a marca ch’è no truvemu inde l’altre butteghe di i Ceccaldi, in Corsica o in cuntinente.
Ma a più bella riescita di Jean-Pierre Ceccaldi serà forse di esse statu capace à trasmette à i so dui figlioli sta passione è st’esigenza di u travagliu ben fattu. Si cuncentreghja di più Sylvestre nant’à u sviluppu cummerciale di a marca, in quantu à Simon, ellu, tramanda sta tradizione è prupone oghje u so sguardu è a so stampa artistica nant’à una cultelleria cuntempuranea, rispettuosa di a so lascita è di e so origine. Permette à l’intrapresa sta generazione nova è creativa di mantene una mudernità indispensevule à a so evuluzione è di turnà à scrive a bella storia di u cultellu corsu.
Contactez le producteur
Vuleti di più infurmazioni, impiiti u furmulariu siguenti è vi rispundaremi prestu