Aghjugna à u vostru librettu di strada

Françoise BARTOLI

Attellu di tarraglia

Accolta : Tutta l'annata.

I tarritorii : Dui Sevi-Dui Sorru - Cruzini - Cinarca

I catigurii : L’artighjani

Trà passioni è trasmissioni

Hè in Savone, una piccula cità balniaria bedda tranquilla è chì puru in i tempi facia parti di      i cità i più impurtanti di a Corsica, chì Marie-Françoise Bartoli hà impiantatu in u 1980 a so buttega d’artisgianu d’arti. Si ritrova in stu picculu golfu una storia ricca è tribulata. I ruini d’un antica catidrali rumana è d’una basilica di u VIu seculu sò i tistimonii di stu gluriosu passatu rilighjosu di l’anticu viscuvatu.

Si entri in u giardinu machjaghjolu di Marie-Françoise com’è in un mondu strasurdinariu à u sonu di u ciambuttimu di una funtana. Un giardinu com’è a tolla di tarra chì Marie-Françoise  impasta cun piacè in i so mani sin’à fà nascia a vita. Dici cun dulcezza : « Mi piaci à scuntrà a ghjenti è à fà di manera chì a me buttega sichi un locu induva vi pari di essa aspittati. »

L’opari di Marie-Françoise palesanu assai forza è lumu : i tarragli utilitarii o solu par a dicurazioni cù à nantu u turchinu, u rossu spampillenti è altri culori si mischiani cù formi puri ; ughjetti di legnu tribulati è sculturi  chì vultuleghjani, di sicuru ispirati da u mari vicinu, è par l’insemi si ricunnosci bè un’influenza chinesa.