Aghjugna à u vostru librettu di strada

Jean-Martin LUCCHINI

A Pinzutella

Ustaria agricula – furmagliu caprunu casanu - Alloghi campagnoli

Accolta : Da aprili à sittembri.

I tarritorii : Sud Corse

I catigurii : L’addevu, a robba purcina, i casgi, I toli & stanzi d’ospiti, ustarii agriculi & alloghji campagnoli

I pruduzzioni agriculi : U casgiu corsu, Agneddu lattaricciu è caprettu

A Pinzutella - Route De Bavella
20145 Sari Solenzara
  04 95 57 41 18
  auberge.apinzutella@orange.fr |   www.auberge-apinzutella.com

Dopu à a ripresa di a splutazioni famigliali tandu spicializata ind’ a cultura di i clementini, Christiane Lucchini, a mamma di Jean Martin, puru pocu pratica, piglia a dicisioni di cunvertiscia si ind’ì l’allevu di i capruni. « Sapiu chì u travagliu saria duru ma aghju sempri avutu assai tinarezza pà st’animali, assai intillighjenti. Ci vò à dì chì dipoi u principiu di a me attività, aviu sempri l’idea di crià un’ustaria agricula. »

Vintidui anni dopu, A Pinzutella hè sempri quì nantu à a splutazioni è com’è patronu ci hè Jean-Martin, u figliolu di Christiane è Jean-Louis. Hè assicurata a rileva ! À 23 anni, u succissori t’hà in carica un stabilimentu duva tuttu ciò chì si tasta pruveni da l’ortu in bassu di a pruprietà. Ligumi, Brocciu – Jean Martin cura in particulari i so animali- è a spicialità di a casa : u caprettu, piattu cusì caru à l’isulani. Issu piattu made in A Pinzutella, arrustitu o in salsa, hè un incantu pà i papilli ! Jean-Martin hè fieru di sta lascita. « A me mamma hà sempri avutu u gustu pà a vendita diretta è issu cuntattu cù u cunsumatori, in più di u rispettu di i tradizioni. Socu cuscenti di sta scumessa chì ci vò à tena. Ciò chì ci primureghja u più, hè a suddisfazioni di u clienti. » Di sicuru chì u visitatori saparà ricunnoscia l’autenticu « fattu in casa, casanu » !

‹‹ Ritornu