Aghjugna à u vostru librettu di strada

Antoine et Marina GUELFUCCI

Osteria Di L'Orta

Ustaria agricula - Stanzi d'ospiti - Allevu picurinu - Urtulimu - Vinu - Cunfitturi

Accolta : L’annata sana

I tarritorii : Centru di Corsica

I catigurii : I vini, In ghjiru à l’arbureti è l’orti, I toli & stanzi d’ospiti, ustarii agriculi & alloghji campagnoli

I pruduzzioni agriculi : I Vini di Corsica, I frutti è ligumi di Corsica, Agneddu lattaricciu è caprettu

Casa GUELFUCCI - Pont De L'Orta
20250 Corte
  04 95 61 06 41 |   06 81 87 83 20 |   www.osteria-di-l-orta.com

Quilli chì passani par Corti ùn ponu mancà stu casonu chì veni à metta à pena di turchinu nantu à i muntagni curtinesi. Sta casa di maestru hè stata custrutta da a famiglia Guelfucci in u 1826, è l’indivisioni è u scordu a pudiani fà trafalà ! Ma era senza cuntà a vulintà forti d’un ghjovanu coppiu di dà torna vita à sta casa maiò. Una petra dopu à l’altra, Antoine, l’allivatori è Marina, l’ingignera, ani fattu rinascia issu locu à pocu à pocu. Era una scumessa tamanta, ma ùn si sò mai scuraghjiti, avendu sempri à menti a voglia di sparta sta casa cù d’altri. Stu beddu casonu d’ospiti accogli oghji quilli innamurati di i vechji petri quant’è i gastrunomi in brama di prudutti lucali sani è sputichi.

In ghjiru à st’abitazioni, Marina travaglia ind’ì l’orti pà cultivà i frutti è i ligumi chì si ritruvarani ind’a so cucina savurosa. À Antoine, li tocca à curà a so vigna, i so pecuri è i so ospiti, in particulari quand’ellu si tratta di fà li tastà u vinu di u duminiu. S’è a qualità di l’offerta hè un affari sicuru, a bravezza è l’accolta di Marina è Antoine sò eccezziunali.