Aghjugna à u vostru librettu di strada

Marie-Rose GUGLIELMI

U Stazzu

Casgiu casanu pecurinu - Brocciu AOP – albergu campagnolu

Accolta : Stazzu è albergu, tutta l'annata cù riservazioni / casgiu è brocciu, da dicembri à a mità di lugliu.

I tarritorii : Centru di Corsica

I catigurii : L’addevu, a robba purcina, i casgi, I toli & stanzi d’ospiti, ustarii agriculi & alloghji campagnoli

I pruduzzioni agriculi : U Brocciu, U casgiu corsu, Agneddu lattaricciu è caprettu

Lieu-dit Pastricciola - RN 200
20250 Poggio di Venaco
  04 95 46 31 84 |   06 23 01 62 08
  maroguglielmi@gmail.com

Hè pussibuli di essa stata addivata à mezu à i pecuri, avè amparatu à curà una banda è à fà u casgiu è puru sunnià un’ antru distinu.

Cusì hè stalvatu in tempi di ghjuventù  par Marie-Rose Guglielmi !

Passiunata d’arti plastichi, Marie-Rose, quand’era ghjovana ghjovana, sunniaia di travaglià in u mondu di l’arti o di u ghjurnalisimu. Tandu principiò i so studii d’arti plastichi à l’Università di Corti, ma quandu u so babbu, pastori, decisi di piglià a ritirata, ùn pobbi fighjulà una vita di stentu parta cusì à caternu senza fà nudda. « Hè stata una scuperta per mè ch’ùn avia mai pinsatu à ripiglià a seguita di l’impresa di famiglia. Aghju capitu d’un trattu induve era a mio vita : quì, cù e pecure di babbu ! »

Sò passati più di vinti anni è mancu ùn si ni penta Marie-Rose di a so scelta di ghjuventù. « Hè duru u travagliu ma cusì si spanna a mio vita ! » Quandu omu a vedi purtà a so banda in cumpagnia di i so nipoti à quali pari di trasmetta stu spiritu pasturecciu, si pò pinsà ch’ùn sò foli !

‹‹ Ritornu