Aghjugna à u vostru librettu di strada

Antoine-François FILIPPI

U Barraconu

Stanzi d'ospiti

Accolta : Tutta l'annata. Nantu à riservazioni

I tarritorii : Sud Corse

I catigurii : I toli & stanzi d’ospiti, ustarii agriculi & alloghji campagnoli

Route de Palavesa - Lieu-dit barraconu
20137 Porto Vecchio
  06 15 08 53 71
  a-francoisfilippi@live.fr

François hè un omu discrettu. Ma sottu à issa discressioni apparenti si piatta un parsunaghju indiatu, primurosu di a so tarra è di a so priservazioni. Hè assai cunvintu ch’eddu hà sceltu, in u 2008, d’invistiscia i tarri famigliali, duva i ruvini d’una tinuta si vedini sempri. Ci vularà un annu è mezu pà custruiscia torna stu bastimentu impunenti – cù François u solu maestru d’opara !.

« U barraconu facia parti d’una tinuta agricula maiò chì appartinia à i me antichi dipoi 1850 ! L’attività agricula hè sempri stata prisenti quì, po duranti vinti anni hè calata bè sinu à l’abbandonu. Tandu a me presa di cuscenza hè stata subitania : mi tuccai à salvà issu patrimoniu pasturali ! »

Pà metta subitu in baddu stu prughjettu, François scegli a criazioni di stanzi d’ospiti, cù una visioni pricisa di i so scopi. « Un’ si trattava micca d’entra ind’un’ecunumia turistica urdinaria. Cù sta rinuvazioni di a custruzzioni, vuliu nanzu à tuttu sparta a me visioni di a cultura corsa, i tradizioni di u me paesi. Vuliu metta à palesu issu modu di campà è sparta lu cù parsoni frusteri. A me indiatura ind’a difesa di a nostra tarra ùn hè micca d’oghji ! Sarà pà mè una manera di cuntinuvà in sta dimarchja, st’andatura di tandu. »

Oghji i sforzi di st’omu passiunatu ani pagatu : 5 stanzi cù una dicurazioni tipica, ind’un spiritu di cunvivialità è d’accuglianza sò pruposti à u visitatori curiosu.

Pà senta si com’è in casa soia !

‹‹ Ritornu