Aghjugna à u vostru librettu di strada

Jeanne-Marie VINCENTELLI

L'ECURIE

Ustaria agricula

Accolta : l’annata sana francu da dicembri à marzu.
spicialità : vitellu , pesca lucali.

I tarritorii : Corsica Livantina

I catigurii : I toli & stanzi d’ospiti, ustarii agriculi & alloghji campagnoli

Route de la mer
20270 Aleria
  04 95 57 94 26

Aleria. Piglieti a cansa chì và à u mari è ci scuprareti u Domaine de Padulone.

Ind’un locu incantevuli à 200 metri da a marina, postu nantu à un munticellu di rena, si vedi u bastimentu agriculu di a splutazioni di biada è di vigna rinuvata in 2012 da Jeanne-Marie è Christophe. A riabilitazioni di issa vechja stalla, chì aggruttava innanzu i cavaddi di l’arcimissiavu di Jeanne-Marie, hè a cuncretizazioni d’un vechju prughjettu. I sposi Vincentelli s’accupani di i vigni di a splutazioni, vigni prisenti in Padulone dapoi 300 anni ! Ma in u 2000, allargani i so attività è comprani una banda di vaccini.

L’idei ùn mancani è volini crià subitu un spaziu d’accolta  pà valurizà i pruduzzioni lucali. L’agricultori vicini sò d’accunsentu cù stu prughjettu : i tarri di pascura prufittani à l’agneddu è à u purceddu lattaricciu ; l’amichi piscadori arrecani di modu rigulari u pesciu frescu à l’ustaria agricula, è i pastori i so furmagli. 

« Tutta a vera dimachja di l’ustaria agricula hè in issa spartera. Vogliu metta in valori u sapè fà è i sforzi di i picculi pruduttori.  Aghjungu in più uni pochi di ligumi di u me ortu parsunali ! ». 

Com’edda a dici, Jeanne-Marie hà riisciutu à vincia a so timichezza par via di l’Ecurie. « U travagliu di a tarra imponi un ritimu duru, ma d’un’antra parti u piacè di scambià, di fà tastà è scopra i prudutti di a righjoni hè un arricchimentu maiò ! ». Un piacè spartutu vulinteri !
 

‹‹ Ritornu