Aghjugna à u vostru librettu di strada

Virginie GIUSTINIANI

La Bergerie

Osteria agricula

Accolta : Da ghjugnu finu à sittembre, ogni sera for a di u luni (bisogna à riservà per a cullazione) / da ottobre finu à maghju, a dumenicata (bisogna à riservà per l’altri ghjorni).

I tarritorii : Casinca - Castagniccia - Costa Verde

I catigurii : I toli & stanzi d’ospiti, ustarii agriculi & alloghji campagnoli, L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu

Dopu pigliatu per un chjassucciu di terra, nantu à a strada chì và finu à u mare, puderete scopre u Stazzu di Virginie Giustiniani. À mezu à e piantazione di chivì, mentre ch’ella pasce una ruchjata di pecure è pare ch’ella brami di gode l’ora clemente, una giuvanotta si affaccendeghja in cucina.

I muschi di e frittelle cù u casgiu è di l’agnellu arrustitu imbriacanu subbitu subbitu ogni bocchifine chì varca l’usciu di La Bergerie. L’accolta, à boccarisa, rigalata da a patrona di u locu scunvince à chì ci hà fattu l’arretta ch’ellu ùn si hè sbagliatu d’indirizzu è ch’ellu ci truverà piatti fini. “Hè babbu chì hà apertu issa osteria è chì mi hà trasmessu u so sapè fà è u so sensu di l’accolta. Quì ci femu una cucina simplice è generosa cù i prudutti ch’è no cultivemu, pensu ch’ellu hè ciò ch’elli cercanu quelli chì ghjunghjenu quì”.

Subbitu tastati e so frittelle è u so tiramisù casanu vene difficiule di cuntradì a giuvanotta. Si sente soprattuttu, al di là di a qualità di i prudutti, a so brama di scumparte è a primura ch’ella hà di u benestà di i so ospiti. Ùn vale à dubbità, La Bergerie hè un indirizzu di prima trinca, hè dinù un esempiu cumpitu di ciò ch’ella pò esse l’uspitalità corsa segondu l’usi di prima.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu