Aghjugna à u vostru librettu di strada

Véronique NICOLI

Cavallu di Brandu

Spassighjati a cavallu

Accolta : Tutta l'annata

I tarritorii : Nebbiu - Capi Corsu

I catigurii : Cultura/natura/binistà/passatempi

Les glacières de brando - ERBALUNGA
20222 Brando
  04.95.33.94.02 |   06.13.89.56.05 |   www.cavalludibrandu.com

Ci era dighjà in u prufondu di i so sicreti di zitiddina issu cavaddu chì cavalcaia in cori di Véronique Nicoli ! Oghji hè accumpagnatrici diplumata in turisimu equestru è faci parti di quiddi chì, filici, campani a so passioni ogni ghjornu !

Brussà, appruntà u cavaddu, parta nantu à i camini, imbriacassi di ventu è di soli…sò stondi chì v’ani da cummova è ch’edda voli sparta cun voi fendu una di i so beddi ghjirandulati !

À truvacci sempri in u so centru equestru Cavallu di Brandu ; vicinu à l’anziani ghjacceri di Brandu. L’accolta hè ghjinarosa, rassicuranti …è spiritosa ! Accurdendusi cù u vosciu liveddu o a voscia parsunalità, Veronique v’hà da prisintà Zina, Idaho o Sunny…trà i numarosi cavaddi chì sò tutti cusì bravi !

Varchemu à u passu un punticeddu ghjinuvesi, ci cansemu à l’ombra di una bedda cappedda rumana o à u frescu in a furesta di Petracurbara, u galoppu nantu à i camini salvatichi di Capi Corsu…è longu u parcorsu, paisaghji magnifichi chì firmarani impressi in a vostra mimoria ! « Chì maraviglia di scopra a Corsica cavalchendu ! Semu ghjustu ghjustu trà tarra è celi ! …è pigliu l’uccasioni par mustrà i lochi i più beddi è cuntà a storia di stu rughjonu. »

U centru equestru hè apartu tutta l’annata ; sò dinò binvinuti i vostri figlioli par fà spassighjati è ghjirandulati mancu appena difficiuli.