Aghjugna à u vostru librettu di strada

Pierre Paul NICOLAI

Domaine NICOLAI

Olii d’ essenza AB

Accolta : Tutta l’annata – chjamà nanzi / distillazioni di ghjunghju.

I tarritorii : Sud Corse

I catigurii : Cultura/natura/binistà/passatempi, I vini

I pruduzzioni agriculi : L’olii essenziali corsi, I Vini di Corsica

Faci ciò chì li pari Pierre Paul Nicolai ! Scegli u so distinu à 23 anni : sarà a tarra. Mudellu d’energia è d’impegnu st’omu ghjovanu sfrutta, dapoi 5 anni, culturi di muredda nantu à a tarra di i so antichi, hà una filusuffia particulari : « S’è ùn a facciu micca eiu, qual’hè chì l’hà da fà ?! » U babbu, Jean Louis chì ampara à fiancu à u figliolu, a cuncedi vulinteri : « Pierre Paul ùn pianta mai di travaddà. Hè sempri nantu à u tarrenu. Mi pari ch’in 4 anni è mezu ùn s’hè mancu accurdatu una sittimana di vacanzi ! » È ùn manca u travagliu nantu à sti tarri ! Sò posti trè ettari di muredda in u 2010. Dinò trè l’annu dopu è torna dui altri ettari in u 2015. Dopu sò posti sei ettari di vigna. « L’agricultura devi essa un mutori par l’ecunumia di l’isula è ci voli à incuragiscia i prughjetti di i ghjovani agricultori par u nosciu avvena cumunu. » spieca stu militanti passiunatu. Cù u tempu, a sà Pierre Paul chì i so sforzi sarani pacati di ritornu. « Ma ci hà da vulè a pacienza ! » dici cun un surrisu è cù filusuffia. È, sarà chì u tempu li pari troppu longu ? Prestu s’hà da metta à rinuvà un alivetu di 450 alburi !

Ùn hè mai stancu Pierre Paul !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu