Aghjugna à u vostru librettu di strada

Fleur LESNARD CABERO BORJA

FIOR DI LEZZA

Centru equestru

Accolta : Tutta l’annata dopu appuntamentu, 08 ori- 20 ori di lugliu è aostu / spassighjati à cavaddu o à sumeri nantu à u duminiu di u picuraghju vicinu, assaghjera di casgi.
Apartura d’un sicondu centru equestru in Cupabia, Sarra di Farru, pà l’istati : spassighjati, tastera di furmagli, … nantu à a marina di Cupabia.

I tarritorii : Sartinesi Valincu Taravu

I catigurii : Cultura/natura/binistà/passatempi

Quand’eddu sbuccia un fiori, si scopri prima un ochju, chì prumetti, di sicuru, ma ch’ùn hè ancu spannatu. Hè quistu un paragonu ch’è no pudemi fà par parlà di a prima vita di Fleur Lesnard Cabero Borja, una ghjovana cavaliera passiunata ma chì era un pocu for’ di corsa fendu una carriera in u cummerciu. Ma nantu à una bona tarra, tinta di soli, u fiori s’arradicheghja beddu beddu è in fini sbuccia par fà spampillà i so più beddi culori. A tarra, hè a vaddi di l’Urtolu, u soli hè u ghjovanu pastori chì rendi a brama di i spazii aparti è di a libertà à u fiori novu. Eccuci cù a siconda vita di Fleur Lesnard Cabero Borja ! Hè quilla di una donna ghjovana, spannata, à u capu di un centru equestru ch’edda voli à u so parè : simplici, accuglienti ma prontu à risponda à i dumandi di i so clienti.

« Quì, a ghjenti veni à circà una natura salvatica è prisirvata, à dilla franca hè dura à truvà meddu ! Avemi tuttu in sta vaddi : fiumi, a muntagna, i prati, i spiaghji, hè un picculu paradisu par i cavalieri », ci spieca cun aligria a ghjovana donna. Par risponda à i dumandi di più in più numarosi è a passioni di i clienti, Fleur hà apartu un centru novu di i parti di Cupabbia par cunquistà altri spazii è altri passiunati di cavalcati.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu