Aghjugna à u vostru librettu di strada

Pascale CHERUBIN

Mille Fiori

OLII ESSENZIALI DI MURELLA AB - TISANA BIULOGICA

Accolta : Tuttu l’annu pigliendu appuntamentu.

I tarritorii : Corsica Livantina

I catigurii : Cultura/natura/binistà/passatempi, I meli

I pruduzzioni agriculi : L’olii essenziali corsi, I Meli di Corsica

lieu dit Gattone
20240 Ghisonaccia
  06 13 09 17 15
  pascale.cherubin@wanadoo.fr

Ci sò ricunversione prufessiunale chì ponu parè strane fighjulendu le da luntanu ma chì, s’è si guardanu da più vicinu, fà è fà mostranu una via logica è naturale. Hè cusì chì Pascale Cherubin hà scambiatu u so camisgiottu d’insignante in biulugia, in i licei è per i futuri agricultori, per cavalcà un trattore è cultivà a murella in a piaghja fertile di u Fiumorbu.

“Eru insignante in biulugia, poi animatrice incarigata di u sviluppu di l’agricultura biulogica nantu à a Corsica. Un ghjornu, aghju avutu a brama di varcà quella sarrenda” cunfideghja Pascale.

A so cunniscenza di u mondu agriculu l’avarà permessu di vince assai tempu quand’ella s’hè stallata è Pascale Cherubin si trova oghje capimachja di una splutazione di parechji ettari ch’ella sviluppa essendu urdinata è seria. A fighjulà la cunduce u so trattore à mezu à i cannelli gialli chì usculeghjanu a murella, vene difficiule à pinsà ch’ella hà fattu a so ricunversione ùn hè tantu. A scelta di a cultura di a murella ùn era mancu appena fatta à l’arzardu. Malgradu ch’ella sia esigente, a so cultura permettia à Pasquale di mantene a so leia incù l’insignamentu è di sviluppà (da quì à pocu) e visite di a so splutazione è l’attelli scuperta incù i visitadori.

Ùn ci hè dubbitu chì u dinamisimu è e cumpitenze di a ghjovana agricultrice cunduceranu di sigura a so splutazione, micca nantu à u chjassu di l’immurtalità, ma, almenu, nantu à quelli di a perennità è di u sviluppu.

‹‹ Ritornu