Aghjugna à u vostru librettu di strada

Marina et David FAURE

Ranch Villata

CENTRU TURISIMU EQUESTRU - CAMPING IN A SPLUTAZIONE

Accolta : tuttu l’annu (spassighjate è girandulate)
campeghju da ghjugnu a sittembre

I tarritorii : Sud Corse

I catigurii : Cultura/natura/binistà/passatempi, I toli & stanzi d’ospiti, ustarii agriculi & alloghji campagnoli

Trecce longhe bionde lintate à u ventu, Marina Faure v’accoglie da u so cavallu preferitu, Ginger. Incù David, u so sposu, ristruttureghjanu, à u principiu di l’anni 2000, u ranch Villata, creatu à tempu à u camping in a splutazione da u babbone di Marina sessanta anni nanzu.

“Simu à mezu à i cavalli dapoi a nostra zitellina. Avemu apprufittatu di st’uppurtunità incredibule di ripresa di u duminiu in un rughjone magnificu” conta David, omu longu longu, chì pare un cantadore di rock, uriginariu di Saint-Etienne. Marina, donna energica, porta incù dinamisimu tutta sta ghjente à duie o quattru zampe. “In stu mistieru, ci hè trè cundizione da rispettà chì ci parenu essenziale : stà umile, esse sempre passiunatu - cundizione sine qua none ! È ùn cuntà e so ore ! U travagliu incù l’animali pliglia sempre u tempu !” dice per cunclude.

U ranch conta oghje vinti trè cavalli è ottu pony è prupone longu à l’annu attività cum’è e girandulate è i corsi di cavallu. Da quì à pocu, l’amatore puderà fà tastature di prudutti lucali in giru à un tavulinu d’ospiti stallati à mezu à u ranch. Chì per u coppiu Faure, uccupà si di i cavalli è accoglie la ghjente sò anzi tuttu sinonimi di spartera è di cunvivialità.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu