Aghjugna à u vostru librettu di strada
Thibault BELANGER
L'Ovu d'oro
Pullami AB - Ovi AB – Piantini pà l’ortu AB
Accolta : Tutta l'annata nantu à appuntamentu; visiti pidagogichi.
I tarritorii : Sud Corse
I catigurii : In ghjiru à l’arbureti è l’orti, È dinò…
I pruduzzioni agriculi : I frutti è ligumi di Corsica
Route de Cala Longa
20169 Bonifacio
06 03 17 46 39
belanger.exploitation@hotmail.fr
Thibault Belanger hè un paisanu. Un’ vidia un antru avvena cà quillu di travaglià a tarra, una cuntrata lucali ricca è prupizia à ogni cultura. Thibault scegli subitu a splutazioni di u pullami, un duminiu pocu spartu ind’è a righjoni di u Stremu Meziornu.
« Quandu eru ziteddu, u me vicinu avia un pullinaghju. T’aghju u ricordu d’avè ci passatu ghjurnati sani in drentu à fighjulà issi animali, cù ognitantu issi brioni strani. St’ universu m’incantava. », conta u ghjuvanottu di 25 anni di statura serena è assicurata. U so babbu tandu ricusa d’accittà issa passioni nascenti è oghji si ni rallegra : « Un’ aghju mai avutu u dirittu d’avè u me ghjallinaghju à mè. Avà u me babbu hè sicuru ch’e mi vindicheghju cù i me 1500 pullastri !».
Aghjusteti à quissa, 1000 faraoni è 250 ghjallini uvaghji, è avareti u bistiami sanu di a tinuta l’Ovu d’Oru - criata in 2010 ! Ghjallini chì Thibault addeva cù a cirtezza chì l’agricultura biulogica ferma a sola è vera suluzioni : « Un’ aghju mai tricatu à nantu à stu puntu, spiega Thibault, par mè ci tocca nanzu à tuttu à rispittà l’animali, a me tarra è in ghjinirali a pianeta. L’agricultura pastureccia hè sempri stata a me priurità.»
Una bedda visioni di l’avvena chì Thibault metti in baddu dinò cù a risturazioni di u patrimoniu custruttu ch’eddu scopri à u filu di i ghjorni nantu à i so tarri, dati in affittu à u Cunservatoriu di u Liturali. « Socu à tempu un archeologu ! »
Energia, vulintà, rispettu : è tira avanti è tocca !
Contactez le producteur
Vuleti di più infurmazioni, impiiti u furmulariu siguenti è vi rispundaremi prestu