Aghjugna à u vostru librettu di strada

Bernard Pantalacci

ETANG DE DIANA

Ostrici è musculi

Accolta : Tutti i ghjorni fora di a dumenica pà u puntu di vendita / micca visiti d’attellu
Tastera d'ostrici "Nustrale di Diana" è musculi, d'aprili à a mità d’uttrovi, ogni ghjornu francu a dumenica, da 10 ori di mani à 3 ori di dopu meziornu

I tarritorii : Corsica Livantina

I catigurii : È dinò…

RN 198
20270 Aleria
  04 95 57 02 53
  etangdiane@wanadoo.fr

Ùn hè tantu cumuna a storia di Bernard Pantalacci. Dopu à una furmazioni di Storia è Giugrafia, un DEUG di Psiculugia è un annata in Scienzi Pulitichi, st’omu simpaticu è spiritosu teni un postu d’assistanti di sicritariu d’edizioni à u ghjurnali Le Provençal à a fini di l’anni 1970.

Chì andatu si sarà pigliatu stu ghjovanu ghjurnalistu par ghjunghja à u stagnu di Diana ? Sarà a lascita di un babbu pisciaghju ? A chjama di u paesi carca di nustalgia ? Qual’ch’edda fussi a raghjoni Bernard volta à a splutazioni in u 1990 è piglia a misura di tuttu u travagliu chì ci voli à fà par purtà stu spaziu naturali di qualità ver’di una qualità suprana. A so scumissa ? Cuntà nantu à l’ostricia piatta, l’ostricia nustrali. Dopu à tanta vulintà sboccanu i so sforzi. È ùn criditi ch’eddu basta à lacà i molluschi à bagnu in l’acqua tepida senza dà li cura, hè quant’è curà un zitidducciu : ci voli à essa sempri attenti !

Cù a so squadra Bernardu cerca oghji à francà un antru passu : a ripruduzzioni è l’addevu. Ci sarani prestu nantu à u stagnu di Diana ciucciaghji tamanti d’ostrici chì si stenderani sottu à u sguardu paternu d’un capu di splutazioni chì raprisenta bè u patronu prufissiunali è passiunatu. « Aghju cunnisciutu parechji mezi, erani troppu stretti par mè. Avà chì sò à u stagnu di Diana, tamantu tarrenu di ghjocu, facciu u me pussibuli par purtà sti prudutti à u più altu. » Hè detta !
 

‹‹ Ritornu