Aghjugna à u vostru librettu di strada

Nathalie BOURRAS

Meli AOP

Accolta : Tutta l'annata nantu à appuntamentu / sarratu di lugliu è d’aostu.

I tarritorii : Sud Corse

I catigurii : I meli

I pruduzzioni agriculi : I Meli di Corsica

Dopu à dodici anni passati in l'Educazioni Naziunali in Portivechju, Nathalie Bourras piglia a dicisioni in 2003 di cambià versu ! « I me parenti erani agricultori – per l’appuntu allevatori di pullami, da quì a me tinnarezza pà i ghjallini ! Crergu chì parechji zitelli chì ani campatu in st’ambienti anu bisognu di vultà un ghjornu o l’altru à i surghjenti, à a tarra. A mè m‘hè accaduta à l’età di 37 anni ! »

A scelta di l’appaltadori s’hà da fà guasgiu subitu, nantu à l’apicultura, un’ attività ch’edda cunnosci un pocu ma l’intaressani a so cumplissità è a so diversità.

« U travagliu cù i bugni hè affascinanti ind’u sensu chì hè sempri surghjenti d’interrugazioni, d’ampareri è di metudi novi chì dumandani sempri di più tecnicità. In apicultura, i scuparti ùn finiscini mai. » Nathalie i sparti cù un veru piacè ind’u Sindicatu d’Appillazioni d’Origini Cuntrullata – Mele di Corsica.  « Hè una filiera assai strutturata. Insemi, femi elaburazioni, custruimi è sustinimi prughjetti cuncretti. U nostru guidu hè a nostra passioni ! »

Nathalie, passiunata, vedi u so avvena colmu di prughjetti da metta in baddu. Prestu, una melaria sarà custrutta in cori di a splutazioni, duva scurrazzeghjani sgiotti, pecuri è porchi. « A dicu, l’animali i tengu cari tutti allora aghjustati à tutti quiddi chì mi circondani, i me 250 bugni mi rallegrani assai … è mi dani assai travagliu ! » È ùn hè micca a so figliola, Laurina chì ci diciarà u cuntrariu !  Pà u piacè di tutti.