Aghjugna à u vostru librettu di strada

Francine LUCCHINACCI

L'Apicultrice

Mele AOP - BIO

Accolta : Tuttu l’annu, u marcuri,
è pigliendu appuntamentu l’altri ghjorni.

I tarritorii : Sud Corse

I catigurii : I meli

I pruduzzioni agriculi : I Meli di Corsica

Francine Lucchinacci hà righjuntu a so isula natale per campà in armunia incù a natura.. A so scelta : l’ape ! “Stu mistieru currisponde à e mo aspirazione : u pinseru di l’ambiente, l’autunumia è a pulivalenza”.

Paziente è perfezziunista, l’Apicultrice ùn negligenta mancuna tappa in a cunfezzione di e so racolte è hà una cura propiu particulare per ogni manipulazione. “A Corsica benefizieghja di un mezu naturale eccezziunale, hè per ciò chì u mele hè cusì singulare ! Hè à u sapè fà di l’apicultore, è di l’Apicultrice ! di mette lu in risaltu.” Sta disciplina esigente è cumplessa li và benissimu à Francine, chì hà trovu una fonte d’usservazione magnifica.

“Stu gruppu suciale mi dà un veru affascinamentu soprattuttu per via di l’indiatura di l’individuu, à u serviziu di u cullettivu. Assai assai luntanu da e nostre sucetà ughjinche ! Hè st’urganisazione ch’e fighjolgu, studieghju è spechju tutti i ghjorni !” Per fà la, Francine ùn falta mai in u principiu chì avvia a so dimarchja : a qualità, solu a qualità !