Aghjugna à u vostru librettu di strada

Jean-Luc BATTESTI

Meli AOP -

Accolta : Tutta l'annata /visiti di a splutazioni da 8 ori à 10 ori.

I tarritorii : Dui Sevi-Dui Sorru - Cruzini - Cinarca

I catigurii : I meli

I pruduzzioni agriculi : I Meli di Corsica

Hameau de la Pruniccia
20121 Salice
  06.42.58.71.97

Sempri cù u cappellu in capu, u sguardu argutu è u surrisu amichevuli, Jean-Luc Battesti aspetta cù ardori quilli chì affaccani ind’u so paisolu di a Pruniccia vicinu à u paesi di u Salice.

Dopu à un parcorsu prufiziunali ind’una grandi impresa naziunali, issu « ghjovanu » agricultori piglia oghji una nova partenza rializendu un vechju sonniu fundiu : campà di a so tarra, di u so travagliu è cuntribuiscia cusì à renda dinamica a so righjoni di u Cruzini-Cinarca. « Ùn saremi mai troppu à vulè invistiscia torna issu tarritoriu maravigliosu ! Bramu di veda nascia parechji splutazioni da quì à uni pochi d’anni. »

Hè un passiunatu Jean-Luc Battesti, è quissa si vedi subitu ! Ùn li basta micca d’addivà i so abi o i so porchi, i pruteghji è ferma attenti à u so benistà sempri cù fervori. Cusì, hè tantu fieru di mustrà i so bugnaghji cà d’invitaci à apprizzà a smachjera di vechji lenzi agriculi invasi da a machja.

« Pà rispettu pà u me travagliu, i me bestii è la ghjenti chì mi visiteghja, vogliu travaglià ind’una splutazioni pulita, gradevuli tantu pà l’abi cà par mè… socu un partighjanu di u sapè fà è micca di u «sapia fà. »