Aghjugna à u vostru librettu di strada

Patrick SANCHEZ et Jean-Noël CASANOVA

Gaec Di Vallecalle

Accolta : Tuttu l'annu

I tarritorii : Nebbiu - Capi Corsu

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu

À u Gaec di Vallecalle, si movenu tutti ! Jean-Noël Casanova è Patrick Sanchez s’occupanu di a banda, incù l’ochju attenti di u patriarca, Pierre-Philippe Casanova. Angèle, a so moglia è a so figliola, Laëtitia, sò in cariga di a vendita di i casgi fatti da Patrick.

Ci vole à dì chì esse pastore ind’è i Casanova, hè una storia di famiglia. “Sò a terza generazione, preciseghja Jean-Noël, ma à parè meiu, e bande sò sempre state quì ! Era a tradizione in Corsica d’avè l’animali, l’ortu è duie vigne accantu à a casa.”

A palesa l’agricultore cunfessendu ci ch’ellu ùn pudia micca abandunnà a splutazione familiale. Per accumpagnà la in st’aventura, Patrick era u partinariu ideale.

“Ci cunniscimu dapoi u liceu ! Avemu fattu i nostri studii superiori inseme è l’aghju seguitatu à u liceu agriculu, aghjusta Patrick. Finita st’amparera, travaglià incù Jean-Noël s’hè impostu cum’è un’evidenza.”

Inseme, struttureghjanu una socida chì conta oghje 500 capre è 130 pecure. “Un pastore ùn duveria micca esse troppu sentimentale, perseguisce Jean-Noël, ma hè difficiule di ùn avè affezzione ! Dunque, a banda cresce !” Malgradu u numeru impurtante, i dui ghjovani pastori tenenu a splutazione cum’è tarcani in un ambiu assai cunviviale !
 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu