Aghjugna à u vostru librettu di strada

Nathalie CASTELLANI

L'ANGHJULESCU

Accolta : Accolta : tuttu l’annu

I tarritorii : Balagna

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu, Agneddu lattaricciu è caprettu, U viteddu di Corsica

Era una sfida di quelle chì esaltanu ! È ùn hè tricata mancu una stonda Nathalie Castellani. Insignante di lingua corsa in Bastia, po in Lisula, hà fattu a scelta di assucià si, in u 2014, à u so maritu José, chì face u pastore in Aregnu.
« Cù a nostra millaia di bestie, arricavamu solu a materia prima, spieca Nathalie.  Ma quandu aghju vulsutu creà u nostru casgile propiu, José è Jacques-Antoine, u so babbu, sò stati entusiasti subbitu subbitu.  Dopu à più di un seculu di spluttazione, ci vulia à francà u passu ! »

Per a so furmazione, hà rinvivitu Nathalie i so ricordi di zitellina, quand’ella fidighjava l’anziani di u rughjone niulincu – chì a donna piglia e so radiche in Albertacce è à u Poghju di Lozzi. Ci hè vulsutu dopu à ammanì e tecniche di fabricazione, à mette le in armunia cù u clima balaninu. A lavurante hà fattu prestu da maestra per a cunfezzione di u casgiu frescu è di u passu.  Oghje, hè intensa a pruduzzione da i primi d’ottobre à u mese di lugliu !

« Hè una fierezza di vede u so pruduttu trasfurmà si è di fidighjà a so evuluzione. Ci vole assai pazienza », scherza a giovana pastore di 34 anni. A perseveranza da prima qualità !