Aghjugna à u vostru librettu di strada

Louis PINNA

A Caspa

UVA DI TAVULINU BIULOGICA - SUCHJU D’UVA SPRIMUNTU BIULOGICU

Accolta : D’aostu à uttobre / tutti i ghjorni, 8o30-20o
15 varietà d’uva.

I tarritorii : Corsica Livantina

I catigurii : In ghjiru à l’arbureti è l’orti

I pruduzzioni agriculi : I frutti è ligumi di Corsica

Affabile, Louis Pinna v’accoglie incù un surrisu largu è un spurtellu carcu d’uva vicinu à a so Ferrari rossa chì sdice di u verde di e so vigne ! U dicoru è u persunaghju sò sposti ! Louis hè un irremediabile epucurianu chì piglia ogni ghjornu chì passa cum’è un rigalu di a vita.

“Aghju passatu tutta a mo vita in a vigna induve aghju fattu u vinu durante trenta anni. Poi hè ghjunta a ritirata, ùn mi vidiu micca firmà mi di colpu. Aghju decisu di trasfurmà u duminiu in uva di tavulinu.” ci cunfida incù campazione... è di persegue “aghju piantatu parechje varietà d’uve rosse è bianche quant’è per u mo piacè chè per quellu di a mo clientela, prufessiunali o particulari, chì venenu à circà quì a friscura di un’uva racolta u ghjornu stessu”. D’estate cum’è d’inguernu, Louis Pinna percorre ogni matina i cannelli di e so vigne di centu culori.

“Chì ci vulete fà, ùn mi ne stancu mai è mi ci rigenereghju !” ripete vulintere davanti à u sguardu divertitu di a so figliola Marie-Madeleine chì lascia certe volte u so spaziu di ballu per vene dà a manu durante e vindemie. À l’intrata di u duminiu, sottu à u so bancu à umbria, hè a moglia di Louis chì s’incarigheghja di a digustazione è di a vendita. S’è vo passate per sti lochi, lasciate vi andà à a tastera di u so suchju d’uva biulogicu sprimuntu à l’istante, à qualchì metru di u locu di vendita, una vera stonda d’incantu !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu