Aghjugna à u vostru librettu di strada

Pantaleon ALESSANDRI

ARTE E LEGNU

Attellu legnu - Mubiglia tradiziunali - Ughjettu di ricordu

Accolta : Tutta l’annata, nantu à appuntamentu par via di mail.

I tarritorii : Casinca - Castagniccia - Costa Verde

I catigurii : L’artighjani

Sapè fà è identità di a mubiglia corsa…

Circheti a sputichezza ? Suviteti a D71 partendu da Ponte Leccia, passeti pà Merusaglia, locu nativu di u famosu Pasquale Paoli « Babbu di a Patria», è piglieti u tempu d’entra in cori di a Castagniccia, versu a Valle d’Orezza. Quì, duranti parechji seculi, u castagnu hà purtatu cibu è materia prima à l’omu, è cusì l’omu ci hà pussutu sviluppà un artighjanatu tradiziunali ricunnisciutu (i mobuli d’Orezza).

Hè quì, trà storia è tradizioni, chì Pantaleon Alessandri hà sceltu di stallà si, à u pedi di u San Pedrone, in U Petricaghju, paisolu di Nucariu, classificatu com’è situ carattaristicu di u Parcu Naturali Righjunali di a Corsica. In u so attellu, rinnova è faci mobuli tradiziunali (letti, carreghi, toli, tavulini, cascioni, merii, …) è mobuli di ghjesgi, è ancu picculi ughjetti di u cutidianu (murtali, pulendaghji …) chì facini parti d’un patrimoniu da trasmetta, ma sempri rispittendu criterii identitarii.

Hè dinò prisidenti di l’associu I Legni di Castagniccia, chì, cù a criazioni d’una sigaria, hà com’è scopu di sviluppà l’attività di sfruttamentu è di trasfurmazioni di tutti i legni lucali (castagnu ma ancu alivu, noci, faiu, alzu, tigliolu, pinu lariciu…).

Una vita ricolma pà stu omu indiatu, innamuratu di a so tarra è ingaghjatu ind’a salvezza di i sapè fà è di l’identità di a so righjoni. Un bellu scontru.

Ùn vi n’andeti da Nucariu senza avè suvitatu u « Sentiers des Arbres » : 40 minuti di parcorsu/ scuparta di più di vinti spezii d’arburi !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu