Aghjugna à u vostru librettu di strada

Pierre-OLivier GENTON - ORSINI

A Casa Bella

Maestru vitraghju (vitraghju, fusing, mosaica di u vetru) invitrata

Accolta : Tutta l'annata / da u luni à u sabbatu / 9 ori-7 ori di sera

I tarritorii : Balagna

I catigurii : L’artighjani

S’è certi stani troppu ind’è i so parenti, Pierre-Olivier Genton-Orsini, ellu,  hà piuttostu passatu a so ghjuventù à mezu à pezzi di vetri, prufilati di piombu è polvari di culori di l’attellu vitraghju di a so mamma. « Cun ella aghju amparatu tuttu. Hà più di trenta anni di spirienza è hè una furtuna tamanta d’avè pussutu binifizià di u so sapè », ci cunfidi Pierre-Olivier. Ma parò, s’hè fattu senta u bisognu di cunfruntà si à d’altri maestri vitraghji pà parfizziunà è diversificà a so amparera. È cusì à Pierre-Olivier l’hè tuccatu à andà in America è à u Canadà.

« L’arti di u vetru hè assai più sviluppatu ind’è elli ma i canoni è normi estetichi sò luntani da i nostri. Ci hè vulsutu ch’e amparessi un antru modu di cuncipiscia i me criazioni », spiega l’artistu balaninu, è cuntinuveghja « Quandu sò vultatu in Francia, sò i codici estetichi auropeani chì ci hè vulsutu à acquistà torna. Ma me mamma vulia truvà qualchissia chì pigliessi u seguitu è ùn aghju tricatu tantu. »

Oghji, Pierre-Olivier hà lasciatu u paesi di Santa Reparata di Balagna pà stallà u so attellu di Vitraghji è di Fusing in l’Isula, duva sviluppa à tempu i criazioni parsunali è i cumandi privati è publichi (criazioni è ristoru). In issu filu, hè aiutatu d’una vechja cunniscenza. Aveti induvinatu ? Di sicuru hè a so mamma « Vanina  ». A  leia hè fatta !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu