Aghjugna à u vostru librettu di strada

Françoise MARIANI

L'Ernella

Campeghju à a tinuta - Allevu sumerinu

Accolta : Da u 1u di marzu à a fini di sittembri.

I tarritorii : Centru di Corsica

I catigurii : Cultura/natura/binistà/passatempi

« Ghjacaru abbaghja è boiu pasci ! » tali era u cutidianu ind’ì l’anni sittanta di issu coppiu di pastori chì vidia sfilà i statinanti, l’autocasi è i passiunati di caiacchi davanti à a so splutazioni, mentri chì i so furmagli aspittavanu d’essa tastati.

“Hè Milou, u me maritu, chì u primu hà avutu l’idea di crià un’aghja di campeghju à bordu di fiumi, pà fà vena sta clientella di passaghju è venda a nostra pruduzzioni.”

Una scumessa riisciuta postu chì in pocu tempu, u campeghju l’Ernella hè divintatu u locu d’appuntamentu ubligatu di i caiacchisti di u mondu sanu. È quissa à marzè à u so impiazzamentu eccezziunali, à a gioia di i prupietarii è u savori di i so furmagli.

S’è oghji i sumeri ani rimpiazzatu i pecuri ind’a splutazioni, pà a campa di i zitillucci è di i maiò, l’Ernella ferma u situ parfettu di i caiacchisti è di l’amatori d’un campeghju famigliali è naturali.

“S’è vo viniti di maghju, hè una maraviglia ! Ci sò cintunai di caiacchisti chì affaccani da tutti i scorni di u mondu. A Corsica hè un paradisu pà elli è i rinsignamenti nantu à l’addirizzi di lochi simuli circuleghjani assai lestru!”

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu