Aghjugna à u vostru librettu di strada

Marlène HAHUSSEAU

Miel du Cap

I tarritorii : Nebbiu - Capi Corsu

I catigurii : I meli

I pruduzzioni agriculi : I Meli di Corsica

hameau de Balba
20233 Sisco
  06.63.63.13.37

Hè in u 2011 in grembiu à l’associu pè l’ambiente « Terra è Natura » ch’ella scopre Marlène Hahusseau l’apicultura. Ci conta Marlène : « Quandu sò ghjunta in Corsica, dodeci anni fà, mi sò accapata à animà attelli pè i zitelli intornu à u mele ciò chì fù assai furmadore per mè. Aghju subbitu capitu ch’o vulia travaglià à fiancu à l’ape »

In u 2014, dopu à una furmazione à u liceu di u Borgu, accumpagnata da varii stazii cù apicultori prufessiunali, issa giovana agricultrice principia a so attività cù l’allevu di l’ape maestre.
 Pussede oghje circa 150 bugne spargugliate in tuttu u Capicorsu, da Siscu à Ruglianu. Ci spiega Marlène chì « isse sponde capicursine sò predilette perchè sò acquive assai.

A meia a vulintà hè di sfruttà pè u più a diversità gustativa impurtante assai chì vene pruposta inde issa natura ». Batte ella à prò di una vendita diretta è di a trasfurmazione.
 A gamma di u Mele Capicursinu prupone oghje zuccaru cottu è nuciola (cerviuninca!), un « stick » pè e labbre è una tinta maestra, arricchita cù a propolissi.

I prugetti à vene sò ambiziosi assai, da quì à u 2020 un dipartimentu meleria cunsacratu serà apertu ind’un casamentu cullettivu scumpartutu da parechji apicultori di u rughjone.

‹‹ Ritornu