Cartula di qualità

CARTULA DI QUALITÀ DI A STRADA DI I SENSI

U prisenti rigulamentu internu hà com’è scopu di pricisà u quatru di i pristazioni d’accolta turistica sviluppatu ind’ì u pruduttu "A Strada di i Sensi ".

Ogni pristatariu chì voli entra ind’a reta di a "A Strada di i Sensi " devi suvità issu rigulamentu.

1) Cuncirnendu l'insemi di i pristatarii

  • I mezi d'intrata devini essa in bonu statu.
  • I circondi devini essa puliti è micca ingumbrati d’ughjetti parasiti.

2) Cuncirnendu i pruduttori agriculi è artighjani

  • Cuncirnendu i prudutti chì t’ani una cirtificazioni, solu i pruduttori chì accunsentani à issi segni ufficiali di qualità è chì facini issi prudutti labillizati pudarani adiriscia à issa cartula.
  • Cuncirnendu l’altri pruduzzioni agriculi, ancu i prudutti sottu à l’appillazioni « AB » - agricultura biulogica-, quissi quì avarani da essa prudutti ind’a splutazioni cù materii primi lucali.
  • Cuncirnendu i prudutti trasfurmati, ancu i prudutti sottu à l’appillazioni « AB » - agricultura biulogica, avarani da essa prudutti solu cù materii primi lucali.
  • Un spaziu devi essa cunsacratu à l’accuglianza di u publicu
  • A visita di l'attellu di fabricazioni è/o di i lochi di pruduzzioni sarà pussibuli à l’epichi difiniti bè nanzu è insignati nantu à l’arnesi di cumunicazioni " A Strada di i Sensi ".
  • I lucali di vendita è un spaziu di tastera sarani aparti à i clienti di a "A Strada di i Sensi " à u minimu trè mesi ind’ì l’annata.
  • Un appuntamentu clienti cunfirmatu pà una visita devi essa assicuratu.

3) Cuncirnendu i toli d’ospiti è l’ustariaghji agriculi

  • I listini avarani da essa cunfizziunati cù i pruduzzioni di a tinuta agricula .
  • I prudutti chì ùn sò isciuti da a splutazioni sarani compri ind’è pruduttori pasturecci, in priurità di u tarritoriu, quand’eddi ci sò è ch’eddi t’ani a capacità di furniscia.
  • Ind’u casu di i pruduzzioni sottu à segnu ufficiali di qualità, solu i prudutti cirtificati pudarani essa pruposti nantu à a carta è nantu à u listinu (AOP farina di castagna di Corsica, Lonzu, Coppa di Corsica, Prisuttu, meli di Corsica, brocciu è IGP clementini di Corsica)
  • I prudutti carnaghji (viteddu, agneddu è caprettu, porcu, purchettu) devini vena  ubligaturiamenti d’addevi corsi.
  • Solu l’AOC/AOP oliu d’aliva di Corsica hè sirvuta à tola.
  • I ricetti pruposti devini tena contu di a staghjunalità di i pruduzzioni pà i prudutti freschi.
  • I pristatarii sò capaci di spiigà l’urighjini di i so prudutti à a so clientella.
  • I pristatarii s’ingaghjani à prumova i pruduttori di u tarritoriu in ghjinirali è ind’u particulari i splutanti chì adiriscini à a Strada di i Sensi.
  • Sè a pristazioni risirvata è cunfirmata ùn si faci, à u pristatariu li tuccarà à guarantiscia à u clienti una suluzioni chì si vali. Par quissa, avarà u listinu di i pristatarii rifarinziati ind’a reta "A Strada di i Sensi ".

4) Cuncirnendu l’ustariaghji

  • Solu l’ustarii chì binifizieghjani di u labellu « GUSTI DI CORSICA» poni adirisci à a reta.

5) Cuncirnendu quiddi chì dani alloghju in stanza d’ospiti, alloghju campagnolu, campeghju à a tinuta agricula, ustaria

  • I sdiuni sarani fatti cù pruduzzioni lucali (AOP Meli di Corsica, cunfitturi artighjanali) cumprati ind’è i pruduttori pasturecci, in prifirenza di u tarritoriu.
  • Quiddi chì dani alloghju s’ingaghjani à prumova a strada di i sensi sputichi ind’ì tutti i so mezi di cummircializazioni è di cumunicazioni (Internet, flyers, ecc.) In issu filu, sarà ubligatoriu d’avè ind’u stabilimentu un spaziu didicatu à a prisentazioni di a strada di i sensi (affissu, sfugliaghju, flyers, ecc)
  • Quiddi chì dani alloghju s’ingaghjani à facilità l’urganisazioni di tasteri è di visiti di splutazioni o d’attelli.
  • Quiddi chì dani alloghju s’ingaghjani à rispittà una cartula chì si faci avà.
  • Sè a pristazioni risirvata è cunfirmata ùn si faci, à u pristatariu li tuccarà à guarantiscia à u clienti una suluzioni chì si vali. Par quissa, avarà u listinu di i pristatarii rifarinziati ind’a reta "A Strada di i Sensi ".

6) Cuntrollu qualità

Ogni binifiziariu s’ingaghja à cuntrullà si da par sè par via d’una griglia di valutazioni adatta à a so attività. Issu autucuntrollu farà l’ughjettu d’una virificazioni da i sirvizii di l’ODARC. À tempu, un cuntrollu di i stabulimenti par via d’un’inchiesta qualità sarà rializatu di modu rigulari da un urganisimu di cuntrollu.