Aghjugna à u vostru librettu di strada

Jean-Jacques FERRARI

Furmagliu caprunu - Capretti

Accolta : Da farraghju à a mità di lugliu (pà u furmagliu staghjunatu, à parta da marzu).

I tarritorii : Corsica Livantina

I catigurii : L’addevu, a robba purcina, i casgi

I pruduzzioni agriculi : U casgiu corsu

Lieu-dit Rapajo - Bravone
20230 Linguizzetta
  06 82 32 84 76

Incù un babbu è trè fratelli agricultori, era difficiuli pà Jean-Jacques Ferrari di francà si di u so distinu. « Aghju sempri campatu à mezu à vacchi, capri è pecuri…è dunqua aghju amparatu u mistieru ancu senza vulè la », dici l’agricultori surridendu.

Ma parò, li saria ancu piaciutu à pruvà à fà carriera ind’ì l’armata o l’amministrazioni, hè par via d’una ferita gattiva à l’ochju mancu ch’ùn hà pussutu. Oghji i so vuluntà d’indipendenza di pettu à u mondu agriculu facini parti di u passatu è hè cun un piacè maiò è ardori ch’ellu cura oghji a so banda di guasgiu 200 capri.

Nantu à u duminiu agriculu maiuroni è magnificu, ch’ellu intrateni è sparti cù i so fratelli, Jean-Jacques Ferrari si cunsacra à i travagli d’ogni ghjornu : mugnera di i capri, fabricazioni di u furmagliu, cundutta di i bandi d’animali, mantenimentu di i tarri…

S’è u fraiutu è a spartera sò sempri prisenti in a famiglia, Jean-Jacques brama oghji di pudè assuma a so attività à pienu è di sustena cù forza a so indipendenza. T’hà u prughjettu di custruiscia u so stazzali propiu è u so casgili ch’ellu spartia sinu ad avà cù unu di i so fratelli.

In issa famiglia d’agricultori travagliadori è passiunati, Jean-Jacques Ferrari hà trovu senza dubbitu a so piazza, è avà assicureghja u so rolu.

‹‹ Ritornu