Aghjugna à u vostru librettu di strada

Sebastien NOUVEAU

Boucherie Seb Viande

I tarritorii : Balagna

I catigurii : L’addevu, a robba purcina, i casgi

I pruduzzioni agriculi : Agneddu lattaricciu è caprettu, U viteddu di Corsica

Bdl François Marini
20214 Calenzana
  04.95.62.71.51 |   06.88.47.88.28

Da zitellu, era digià à fiancu à i so parenti Sébastien Nouveau, in Ziglia, per aiutà li è amparà u mistieru d’urtulanu.  Ma, in fine, hà sceltu di piglià un’antra strada u giovanottu. 
“Mi sò cuncentratu nant’à e dodeci vacche ch’elli avianu i mo parenti. In u 2007, mi sò stallatu per fà u vaccaghju è aghju scambiatu u bestiame”, conta Sébastien.
In fatti, pasculeghjanu oghje ghjornu 50 vacche, 200 pecure è 180 agnelli nant’à i 200 ettari ch’ella conta a spluttazione agricula!


Hè in u 2011 ch’ella spunta l’opportunità di rimette in ballu  l’anzianu macellu in core à Calinzana.  “Stu locu, di primura per a vita d’un paese, era chjosu dapoi dui anni. Era digià assestata a mo sala per taglià a carne ; Era pronta à dà mi una manu a mo moglia Gaëlle. Tandu avemu decisu di pruvà si la cù st’aventura !”, cunclude Sébastien.

Un annu dopu, apre e so porte u novu è attuale stabilimentu di l’allevadore-macellaru!
Ricunnosce vulinteri Sébastien ch’ellu si campa cù a so attività, sempre vicinu à i so clienti è attente à u benestà di u so bestiame.

     Hè tantu più felice ch’ella pare d’esse assicurata a rileva cù Alexandre è Charlotte, i so dui figlioli !

 

‹‹ Ritornu