Aghjugna à u vostru librettu di strada

Ours-Pierre ALFONSI

Furmagliu picurinu - Brocciu AOP

Accolta : Da uttrovi à ghjugnu.

I tarritorii : Dui Sevi-Dui Sorru - Cruzini - Cinarca

I catigurii : L’addevu, a robba purcina, i casgi

I pruduzzioni agriculi : U casgiu corsu, U Brocciu, Agneddu lattaricciu è caprettu

Plaine du liamone
20111 Tiuccia
  06.16.58.28.14
  alfonsiourspierre@orange.fr

Ours-Pierre Alfonsi a palesa vulinteri :  hè un omu incantatu da u so ambienti naturali…

In fondu, a muntagna è à u pedi a piaghja di u Liamone - classificata ind’ì l’invintariu di l’aghji naturali d’intaressu eculogicu, faunisticu è fiuristicu (ZNIEFF), a piaghja di u Liamone hè una di i zoni umidi i più impurtanti di a costa uccidintali. Da a strada si vedini i so pasculi virdighjanti chì risaltini.

Pasculi annacquati da i spulvini di u mari vicinu, com’è una manata di sali nantu à i reghji d’Ours-Pierre, addivatori dipoi più di vinti anni… Ind’a so famiglia omu hè pastori da babbu in figliolu, è cù assai intillighjenza, Ours-Pierre hà sappiutu risponda à l’isigenzi auropei ind’u rispettu di i sapè fà famigliali. Li piaci à ramintà chì « I pecuri sò u punteddu di l’ecunumia agrupasturali di a Corsica. ».

U so bistiami hè cumpostu di pecuri di razza corsa, senza altru. Sò addivati di modu tradiziunali è u so latti hè trasfurmatu ind’un laburatoriu pulitu induva Madama ci cunfizziuneghja cù piacè è galabu Brocci ritulosi, tomma è furmagli di tippu Bastelicaccia, freschi è staghjunati. Hè cù assai fiertà chì Ours-Pierre annuncia chì quissi quì, sicondu a staghjoni, poni andà sinu à 80% di grassu !

Una famiglia piacevuli à veru chì saparà accogliavi pà una tastera/vendita sopra à locu…

‹‹ Ritornu