Aghjugna à u vostru librettu di strada

Nathalie VIOLA

Casa Viola

Farina castagnina AOP - Oliu d'aliva AOP- Rubi è fichi

Accolta : Tutta l'annata.

I tarritorii : Nebbiu - Capi Corsu

I catigurii : In ghjiru à l’arbureti è l’orti, In ghjiru à l’alivu è u castagnu

I pruduzzioni agriculi : Oliu di Corsica, I frutti è ligumi di Corsica, A farin castagnina corsa

Village de Rutali
20239 Rutali
  06.23.57.88.92
  violafrancois@orange.fr

Nathalie Viola hè una parsona chì faci parechji attività è chì hà un’energia chì si sparghji faciuli. Dopu avè fattu parechji mistieri sfarenti, piglia a dicisioni in u 2011, di suvità una furmazioni agricula à u liceu agriculu di u Borgu. A scelta ùn hè à casu : dipoi a so ghjuventù, Nathalie hè à fiancu à u so babbu, François, chì intratteni un castagnetu ind’i circondi di u paesi di Rutali.

« In u 2006, i tarreni erani tutti ammachjati ! A pruprietà hà pussutu essa rinuvata par via di a criazioni di l’Association Syndicale Libre – ASL –  ‘U Rumanu’ chì n’hà parmissu cusì a splutazioni » spiega Nathalie. Setti anni dopu, a ghjovana agricultrici piglia u seguitu ! « Era à mè ch’eddu rivinia u fruttu di issi longhi annati di travagliu. U me babbu hè sempri statu à fiancu à mè, è ancu oghji pà sparta i so cunsigli priziosi, ancu s’è ognunu t’hà u so modu di travaglià ! » dici Nathalie cù malizia.

A splutazioni Casaviola hè oghji cumposta d’un castagnetu in Rutali, arricchita dipoi annu di fichi è rubulaghji è d’un alivetu di setti ettari in San Gavinu di Tenda. Cuncretizeghja u punteddu fundamentali di ciò ch’ella  riprisenta a Corsica pà Nathalie : un rughjonu, un’agricultura tradiziunali chì mischia sapè antichi è mudernità, i valori isulani ch’eddu ci voli à difenda. Hè ind’ì st’ambienti chì Nathalie si senti oghji spannata bè !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).
‹‹ Ritornu