Aghjugna à u vostru librettu di strada

François ANDREANI

A Merula

Oliu d’aliva AOP

Accolta : Tutta l’annata nantu à appuntamentu

I tarritorii : Casinca - Castagniccia - Costa Verde

I catigurii : In ghjiru à l’alivu è u castagnu

I pruduzzioni agriculi : Oliu di Corsica

Villa santa catalina - Folelli
20213 Penta di Casinca
  06 80 75 99 38
  oliuandreani@gmail.com

Francescu hà 58 anni è una spirienza soda di u mondu campagnolu. Pruduttori da babbu in figliolu, a cultura è u rispettu di a tarra lucali facini parti di a lascita famigliali. I so parenti aviani un vignetu. Ind’u duminiu di Castellare di Casinca a vigna hè stata cultivata è ammaistrata dapoi un beddu pezzu.

Ma à pocu à pocu, Francescu s’alluntana da l’oblichi viticuli è pensa à una ricunvirsioni. Voli cuntinuvà à pruducia ma t’hà a voglia ancu di trasfurmà è di venda a so pruduzzioni. U so intaressu pà l’oliu d’aliva li insegna a strada.

In 2002 poni un primu ettaru d’alivi. In 2010, l’utimi piantazioni venini in più di i 10 ettari di pruduzzioni. In 2011,  l’acquistu di u mulinu hè pà Catalina, a moglia di Francescu, u mezu di rializà un prughjettu : s’incaricheghja di a cummercializazioni di i racolti. Issi trè attività – pruduttori, fabricanti è vinditori – passiuneghjani à Francescu chì ritrova in issi faccendi u dinamisimu ch’eddu spera pà u rughjoni. A so pacenzia è a so energia à sviluppà u duminiu fermani una rifarenza in issu mondu duva a vitezza piglia a suprana.

« I tarri casinchesi sò lochi chì pruducini, ma u tempu pà stallà si scuraghjici qualchì volta i più ghjovani. Li tocca à u cuntrariu à goda di issa libertà, hè senza paru… » Ci dici pinsirosu, nanzu d’aghjustà : « Ciò chì ci incuraghjisci cù me moglia, hè issa passioni di a tarra, a so prisirvazioni, pà tramandà la à i ghjinirazioni futuri. »
 

‹‹ Ritornu